- Къаллай салам берсенг, аллай джууаб алырса.
- Кийим тукъум сордурур.
- Бал ашаргъа сюе эсенг, чибин ургъаннга тёз.
- Айтханы чапыракъдан ётмеген.
- Кийимни бичсенг, кенг бич, тар этген къыйын тюлдю.
- Ашхы болсанг, атынг чыгъар, аман болсанг, джанынг чыгъар.
- Ариу джол аджал келтирмез.
- Ишлемеген – тишлемез.
- Кёзден кетген, кёлден да кетеди.
- Агъач халкъгъа алтынды, иссиликге салкъынды.
- Къан бла кирген, джан бла чыгъар.
- Биреуню тёрюнден, кесинги эшик артынг игиди.
- Тойгъан антын унутур.
- Ишни ахырын ойламай, аллын башлама.
- Байлыкъ тауусулур, билим тауусулмаз.
- Кёлсюзден сёзсюз тууар.
- Айыбны суу бла джууалмазса.
- Тау башында, тау болмаз, джангыз терек, бау болмаз.
- Тин – байлыгъынг, терен саулугъунг.
- Алгъанда – джууукъ, бергенде – джау.
- Тюкюрюк баш джармаз, налат кёз чыгъармаз!
- Экеу тутушса, биреу джыгъылыр.
- Эшекни не къадар тюйсенг да, ат болмаз.
- Чомартны къолун джокълукъ байлар.
- Ётюрюкчюню шагъаты – къатында.
- Аманнга игилик этсенг, юйюнге сау бармазса.
- Чакъырылмагъан джерге барма, чакъырылгъан джерден къалма.
- Къатын байлыкъны сюер, эр саулукъну сюер.
- Къызын тута билмеген, тул этер, джашын тута билмеген, къул этер.
- Айтылгъан сёз ызына къайтмаз.
- Джерни букъусу кёкге къонмаз.
- Ач отунчуну ачыуу – бурнунда.
- Керек ташны ауурлугъу джокъ.
- Джырына кёре эжиую.
- Ачылгъан эт джабылыр, кёрген кёз унутмаз.
- Окъдан джара эртде-кеч болса да бителир, сёз джара, ёмюрге къалыр.
- Ашыкъгъанны этеги бутуна чырмалыр.
- Сёз – кюмюш, джыр – алтын.
- Адам туугъан джеринде, ит тойгъан джеринде.
- Уллу сёлешме да, уллу къаб.
- Къатын къылыкъсыз, эр тынчлыкъсыз.
- Шайтан алдады, тюзлюк къаргъады.
- Керти сёзге тёре джокъ.
- Кёл – къызбай, къол – батыр.
- Сютню башын джалагъан къутулур, тюбюн ичген тутулур.
- Тёгюлген тюгел джыйылмайды.
- Татлы сёз – балдан татлы.
- Джигер – джаннга къыйынлыкъ.
- Бети – къучакълар, джюреги – бычакълар.
- Абынмазлыкъ аякъ джокъ, джангылмазлыкъ джаякъ джокъ.
Профиль
|
|
|||