- Тиширыусуз юй – отсуз от джагъа.
- Тюзлюк шохлукъну бегитир.
- Тынгылагъан тынгы бузар.
- Джети тилни билген джети кишиди.
- Ишленмеклик адамлыкъды.
- Окъ къызбайны джокълайды.
- Ач къалгъандан, кеч къалгъан къолай.
- Чомарт джарлы болмаз.
- Къызны минг тилер, бир алыр.
- Аш хазыр болса, иш харам болур.
- Уллу къазанда бишген эт, чий къалмаз.
- Къулакъдан эсе, кёзге ышан.
- Алим болгъандан эсе, адам болгъан къыйынды.
- Кечеси – аяз, кюню – къыш, джарлы къаргъагъа бир аш тюш!
- Тенги кёбню джау алмаз, акъылы кёбню дау алмаз.
- Дуния аламаты сен эсенг да, игиме деб айтма.
- Тойгъа барсанг, тоюб бар, эски тонунгу къоюб бар.
- Сёз – кюмюш, джыр – алтын.
- Джашлыкъ этмеген, башлыкъ этмез.
- Ашхы сёз таш тешер.
- Байлыкъ тауусулур, билим тауусулмаз.
- Насыб бютеу халкъны юлюшюдю.
- Эринчекни эр алмаз, эр алса да, кёл салмаз, кёл салса да, кёб бармаз!
- Чакъырылмагъан джерге барма, чакъырылгъан джерден къалма.
- Тил – миллетни джаны.
- Ашлыкъ – бюртюкден, джюн – тюкден.
- Къайгъыны сюйген, къайгъы табар.
- Башсыз урчукъ тюзюне айланмаз.
- Адамны бетине къарама, адетине къара.
- Ётюрюкден тюбю джокъ, кёлтюрюрге джиби джокъ.
- Аман эсирсе, юйюн ояр.
- Чыбыкълыкъда бюгюлмеген, къазыкълыкъда бюгюлмей эди.
- Ёлюк кебинсиз къалмаз.
- Акъыл аздырмаз, билим тоздурмаз.
- Эки элинги тыйсанг, джети элде махталырса.
- Дууулдаса – бал чибин, къонса – къара чибин.
- Ёксюзню къалачы уллу кёрюнюр.
- Арпа, будай – ащды, алтын, кюмюш а – ташды.
- Къууут – джелге, берне – бошха.
- Джиби бир къат джетмей эди да, эки къат тарта эди.
- Уллу сёлешме да, уллу къаб.
- Ачылгъан эт джабылыр, кёрген кёз унутмаз.
- Махтаннган къыз, тойда джукълар.
- Джаз бир кюнню джатсанг, къыш талай кюнню абынырса.
- Хантына кёре тузу, юйюне кёре къызы.
- Тамырсыз терекге таянма – джыгъылырса.
- Харам къарнашдан, халал тенг ашхы.
- Булут кёкге джарашыу, уят бетге джарашыу.
- Суу кетер, таш къалыр.
- Рысхы – сют юсюнде кёмюк кибикди.
Профиль
|
|
|
|||