- Тёрдеги кюлсе, эшикдеги ышарыр.
- Къолунгдан къуймакъ ашатсанг да, атаны борчундан къутулмазса.
- Кёб джашагъан – кёб билир.
- Атынг аманнга чыкъгъандан эсе, джанынг тамагъынгдан чыкъсын.
- Ишни аллы бла къууанма да, арты бла къууан.
- Аманны эки битли тону болур, бирин сеннге кийдирир, бирин кеси киер.
- Айранны сюйген, ийнек тутар.
- Иги адамны бир сёзю эки болмаз.
- Ашарыкъда сайлагъаннга – чий гырджын.
- Эл ауузу – элия.
- Ауузу аманнга «иги», деме.
- Хунаны тюбюн къазсанг, юсюнге ауар.
- Керек ташны ауурлугъу джокъ.
- Ханнга да келеди хариблик.
- Тюкюрюк баш джармаз, налат кёз чыгъармаз!
- Эте билген, этген этеди, эте билмеген, юретген этеди!
- Кенгеш болса, уруш болмаз.
- Эркишини аманы тиширыуну джылатыр.
- Хата – гитчеден.
- Къатын байлыкъны сюер, эр саулукъну сюер.
- Айырылмаз джууугъунга, унутмаз сёзню айтма.
- Къарнынг бла ёч алма.
- Тамбла алтындан бюгюн багъыр ашхы.
- Хоншуну тауугъу къаз кёрюнюр, келини къыз кёрюнюр.
- Эшекни не къадар тюйсенг да, ат болмаз.
- Адамны аты башхача, акъылы да башхады.
- Акъыллы – эл иеси, тели – эл баласы.
- Ауругъан – джашаудан умутчу.
- Ичимден чыкъды хата, къайры барайым сата?
- Сёз садакъдан кючлюдю.
- Билмезни кёзю кёрмез, этмезни къулагъы эшитмез.
- Гырджын – тепсини тамадасы.
- Уллу атлама – абынырса, уллу къабма – къарылырса.
- Уллу къашыкъ эрин джыртар.
- Азыгъы аз, алгъа къабар, аты аман, алгъа чабар.
- Чомарт бергенин айтмаз.
- Юре билмеген ит, къонакъ келтирир.
- Ашлыкъ – бюртюкден, джюн – тюкден.
- Тенгни тенглиги джашай барсанг билинир.
- Джылыгъа джылан илешир.
- Ач, тоймам, дейди, тойгъан, ач болмам, дейди.
- Айтханы чапыракъдан ётмеген.
- Ётген ёмюр – акъгъан суу.
- Адебни адебсизден юрен.
- Мухардан ач ычхынмаз.
- Къазанчы аман болса, къазаны къайнамаз.
- Хаухну атма, ёнгкючню сатма.
- Суу ичген шауданынга тюкюрме.
- Хар сёзню орну барды.
- Ата Джуртун танымагъан, атасын да танымаз.
Профиль
|
|
|
|||