- Иги – алгъыш этер, аман – къаргъыш этер.
- Булут кёкге джарашыу, уят бетге джарашыу.
- Ариуну – ауруу кёб.
- Аджаллыгъа окъсуз шкок атылыр.
- Кечеси – аяз, кюню – къыш, джарлы къаргъагъа бир аш тюш!
- Тойгъан джерге джети къайт.
- Битмегеннге сакъал – танг.
- Таукелге нюр джауар.
- Тынгылагъан тынгы бузар.
- Башланнган иш битер, къымылдагъан тиш тюшер.
- Чомартны къолун джокълукъ байлар.
- Шекер бла туз – бир болмаз, ушамагъан – юй болмаз.
- Къалгъан ишге къар джауар.
- Къыз чыгъаргъан – къызыл къымжа.
- Эрни эр этерик да, къара джер этерик да, тиширыуду.
- Мени джылытмагъан кюн, меннге тиймесин!
- Ариу сёз аурууунгу алыр.
- Джаным-тиним – окъуу, билим.
- Аджашханны ызындагъы кёреди, джангылгъанны джанындагъы биледи.
- Нёгерсизни джолу узун.
- Кийимни бир кюнню аясанг, минг кюннге джарар.
- Эте билген, этген этеди, эте билмеген, юретген этеди!
- Кёл ашады да, кеси ашады.
- Керилген да, ургъан кибикди.
- Эринчекге кюн узун.
- Мухарны эси – ашарыкъда.
- Аз сёлеш, кёб ишле.
- Ашхы сёз таш тешер.
- Эринчекни аурууу – кёб.
- Ач къарным, тынч къулагъым.
- Эл бла кёргенинг эрелей.
- Билимли ёлмез, билимсиз кёрмез.
- Ханнга да келеди хариблик.
- Оюмсуз атлагъан, аджалсыз ёлюр.
- Тау башында, тау болмаз, джангыз терек, бау болмаз.
- Татлы сёз – балдан татлы.
- Эки элинги тыйсанг, джети элде махталырса.
- Магъанасыз сёз – тауушсуз сыбызгъы.
- Аджалсыз ёлюм болмаз.
- Мухар, кеси тойса да, кёзю тоймаз.
- Кёл – къызбай, къол – батыр.
- Урунуу – насыбны анасы.
- Тилчи тилден къаныкъмаз.
- Сабийни джумушха джибер да, ызындан бар.
- Кёб джашагъан – кёб билир.
- Сууда джау джокъ, кёб сёзде магъана джокъ.
- Билмейме деген – бир сёз
- Ёксюзню къалачы уллу кёрюнюр.
- Сескекли кесин билдирир.
- Ана къойну – балагъа джандет.
Профиль
|
Ляля
 Эльбрусоид
Cообщений: 5
Баллов: 2
Регистрация: 01.06.2015
Последний визит: 13.11.2015 20:31:04
|
||||
|
|
|
|||