- Эркишини аманы тиширыуну джылатыр.
- Иги сёз – джаннга азыкъ, аман сёз башха – къазыкъ.
- Эркишиге тары кебек танг кёрюнюр.
- Сыфатында болмагъаны, суратында болмаз.
- Къонакъ болсанг, ийнакъ бол.
- Келинни – келгинчи, бёркню кийгинчи кёр.
- Акъыл аздырмаз, билим тоздурмаз.
- Къолунгдан къуймакъ ашатсанг да, атаны борчундан къутулмазса.
- Баш – акъыл ючюн, акъылман – халкъ ючюн.
- Бермеген къол, алмайды.
- Къыз чыгъаргъан – къызыл къымжа.
- Ана кёлю – балада, бала кёлю – талада.
- Тюкюрюк баш джармаз, налат кёз чыгъармаз!
- Зар адам ашынгы ашар, кесинги сатар.
- Ушамагъан – джукъмаз.
- Къызгъанчдан ычхыныр, мухардан ычхынмаз.
- Джюз элде джюз ёгюзюм болгъандан эсе, джюз джууугъум болсун.
- Дуния аламаты сен эсенг да, игиме деб айтма.
- Къошда джокъгъа – юлюш джокъ.
- Окъдан джара эртде-кеч болса да бителир, сёз джара, ёмюрге къалыр.
- Билмейме деген – бир сёз
- Ургъан суудан башынгы сакъла.
- Халкъны джырын джырласанг, халкъ санга эжиу этер.
- Ана – юйню кюн джарыгъы.
- Аллахха ийнаннган кишини, Аллах онгдурур ишин.
- Игини сыйлагъан адетди.
- Юй кюйдю да, кюйюз чыкъды, ортасындан тюйюш чыкъды.
- Джангыз терек къынгыр ёсер.
- Чёбню кёлтюрсенг, тюбюнден сёз чыгъар.
- Магъанасыз сёз – тауушсуз сыбызгъы.
- Тамбла алтындан бюгюн багъыр ашхы.
- Рысхы – насыбха къор.
- Хар ишни да аллы къыйынды.
- Биреуню къыйынлыгъы бла кесинге джол ишлеме.
- Нёгер болсанг, тенг бол, тенг болмасанг, кенг бол.
- Ачыу алгъа келсе, акъыл артха къалады.
- Душманны тышы – акъ, ичи – къара.
- Уруну арты – къуру.
- Телиге акъыл салгъандан эсе, ёлгеннге джан салырса.
- Тау башында, тау болмаз, джангыз терек, бау болмаз.
- Асхат ашлыкъ сата, юйдегиси ачдан къата.
- Джол бла сёзню къыйыры джокъ.
- Ёзденликни джайгъан – джокълукъ.
- Ёнгкюч къууана барыр, джылай келир.
- Эринчекге кюн узун.
- Билим къая тешер.
- Айырылгъанланы айю ашар, бёлюннгенлени бёрю ашар.
- Мухарны эси – ашарыкъда.
- Бир онгсуз адам адет чыгъарды, деб эштирик тюлсе.
- Хатерли къул болур.
Профиль
|
|
|||