- Гугурук къычырмаса да, тангны атары къалмаз.
- Адамны бетине къарама, адетине къара.
- Биреуге аманлыкъ этиб, кесинге игилик табмазса.
- Билмейме деген – бир сёз
- Къарнынг тойгъунчу аша да, белинг талгъынчы ишле.
- Ата джурт – алтын бешик.
- Тёрени джагъы джокъ.
- Aдам боллукъ, сыфатындан белгили.
- Гитче джилтин уллу элни джандырыр.
- Кийимни бир кюнню аясанг, минг кюннге джарар.
- Къуллукъчума, деб махтанма, къуллукъ – хаух джамчыды!
- Урама да – ёледи, сатама да – келеди.
- Къар – келтирди, суу – элтди.
- Къалгъан ишге къар джауар.
- Аман къатын сабий табса, бий болур…
- Билими азны – ауузунда кирит.
- Берекет берсин деген джерде, берекет болур.
- Билмегенинги, билгеннге сор.
- Экиндини кеч къылсанг, чабыб джетер ашхам.
- Суугъа – таянма, джаугъа – ийнанма.
- Къайгъы тюбю – тенгиз.
- Ач къарынны, токъ билмез
- Дженгил джетерикме деб, узун джолну къоюб, къысхасын барма.
- Ичимден чыкъды хата, къайры барайым сата?
- Айтылгъан буйрукъ, сёгюлмез
- Тойгъа барсанг, тоюб бар, эски тонунгу къоюб бар.
- Айырылгъанланы айю ашар, бёлюннгенлени бёрю ашар.
- Рысхысына кёре, джаш ёсер, къышлыгъына кёре, мал ёсер.
- Кёб ант этген, кёб ётюрюк айтыр.
- Киштикге къанат битсе, чыпчыкъ къалмаз эди.
- Къазанда болса, чолпугъа чыгъар.
- Джетген къыз джерли эшекни танымаз.
- Къыйынлы джети элни къайгъысын этер.
- Джюрек кёзден алгъа кёрюр.
- Ишлегенде эринме, ишде чолакъ кёрюнме.
- Джарлы джети элни сёзюн этер.
- Къонакъ хазыр болгъанлыкъгъа, къонакъбай хазыр тюлдю.
- Босагъагъа джууукъ орун болса, ашыгъыб тёрге озма.
- Айырылмаз джууугъунга, унутмаз сёзню айтма.
- Кирсизни – саны таза, халалны – къаны таза.
- Керек ташны ауурлугъу джокъ.
- Эл ауузу – элия.
- Къызны минг тилер, бир алыр.
- Башсыз урчукъ тюзюне айланмаз.
- Тилде сюек болмаса да, сюек сындырыр.
- Ётюрюкчюню шагъаты – къатында.
- Адамны джюреги нени кёрюрге сюйсе, кёзю да аны кёрюрге ёч болады.
- Ауругъан – джашаудан умутчу.
- Айныгъанлы алты кюн, тогъайгъанлы тогъуз кюн.
- Джангыз терек къынгыр ёсер.
Профиль
|
|
|||