- Билимсиз иш бармаз.
- Тойгъандан сора, ашны сёкме.
- Кеси юйюмде мен да ханма.
- Кёб ант этген, кёб ётюрюк айтыр.
- Къарт айтханны этмеген, къартаймаз.
- Ёлген аслан – сау чычхан.
- Кюл тюбюндеги от кёрюнмейди.
- Башда акъыл болмаса, эки аякъгъа кюч джетер.
- Уллу суу бла уллу ауруудан башынгы сакъла.
- Тулпарлыкъ, билекден тюл – джюрекден.
- Къартны бурнун сюрт да, оноугъа тут.
- Керти сёзге тёре джокъ.
- Айтхан сёзюне табылгъан.
- Къаллай салам берсенг, аллай джууаб алырса.
- Адам боллукъ, атламындан белгили болур.
- Акъылсызны джууукъгъа алма, акъыллыны кенгнге салма.
- Аллахха ийнаннган кишини, Аллах онгдурур ишин.
- Ариу сёз – къылычдан джити.
- Адеб джокъда, намыс джокъ.
- Къар – келтирди, суу – элтди.
- Экеулен сёлеше тура эселе, орталарына барыб кирме.
- Аш иеси бла татлыды.
- Хантына кёре тузу, юйюне кёре къызы.
- Джыланны къуйругъундан басарынг келсе, аны башы болгъанын унутма.
- Узун джолну барсанг, бюгюн келирсе, къысха джолну барсанг, тамбла келирсе.
- Ата – билек, ана – джюрек!
- Ат басханны джер билед.
- Келгинчи, къонакъ уялыр, келгенден сора, къонакъбай уялыр.
- Кюн кёрмеген, кюн кёрсе, кюндюз чыракъ джандырыр.
- Уясында не кёрсе, учханында аны этер.
- Ачлыкъ отха секиртир.
- Адамны сабийин сюйген джюреги, бычакъча, джитиди.
- Рысхы – насыбха къор.
- Мухар, кеси тойса да, кёзю тоймаз.
- Кюн – узун, ёмюр – къысха.
- Ким бла джюрюсенг, аны кёзю бла кёрюнюрсе.
- Къарын къуру болса, джюрек уру болур.
- Сагъышы джокъ – джукъучу, акъылы джокъ – къаугъачы.
- Адам сёзге тынгыла, акъыл сёзню ангыла.
- Тил джюрекге джол ишлейди.
- Джыгъылгъанны сырты джерден тоймаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Билимден уллу байлыкъ джокъду.
- Чомартны къолун джокълукъ байлар.
- Кёз – сюйген джерде, къол – ауругъан джерде.
- Кютгени беш эчки, сызгъыргъаны уа, джерни джарады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сёз – кюмюш, джыр – алтын.
- Чакъырылгъанны аты, чакъырылмагъанны багъасы болур.
- Чыкълы кюнде чыкъмагъан, чыкъса къуру кирмеген.
Профиль
|
|
|
|||