- Гитче джилтин уллу элни джандырыр.
- Ашда уялгъан – мухар, ишде уялгъан – хомух.
- Ишлегенден, къарагъан уста.
- Ауузу аманнга «иги», деме.
- Эшекни не къадар тюйсенг да, ат болмаз.
- Огъурлуну сёзю – суу, огъурсузну сёзю – уу.
- Сагъыш – къартлыкъгъа сюйюмчю.
- Къызгъанчдан ычхыныр, мухардан ычхынмаз.
- Ёзденликни джайгъан – джокълукъ.
- Атынг аманнга чыкъгъандан эсе, джанынг тамагъынгдан чыкъсын.
- Бети къызарыучу адамны, джюреги харам болмаз.
- Ёлюр джаннга, ёкюл джокъ.
- Таукел адам тау тешер.
- Аджаллыгъа окъсуз шкок атылыр.
- Тулпарлыкъ, билекден тюл – джюрекден.
- Кёл ашады да, кеси ашады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тура эдим джата, къайдан чыкъды хата?
- Адамны адамлыгъы къыйынлыкъда айгъакъланады.
- Кюн кёрмеген, кюн кёрсе, кюндюз чыракъ джандырыр.
- Къайгъы тюбю – тенгиз.
- Тас болгъан бычакъны сабы – алтын.
- Адеб этмеген, адеб кёрмез.
- Атлыны ашхысы, ат тизгининден билинир
- Узун джолну барсанг, бюгюн келирсе, къысха джолну барсанг, тамбла келирсе.
- Адамны артындан къара сабан сюрме.
- Къазанда болса, чолпугъа чыгъар.
- Айныгъанлы алты кюн, тогъайгъанлы тогъуз кюн.
- Айырылмаз джууугъунга, унутмаз сёзню айтма.
- Магъанасыз сёз – тауушсуз сыбызгъы.
- Джарлыны тону джаз битер.
- Мал тутхан – май джалар.
- Ханы къызы буюгъа-буюгъа киштик болду.
- Соргъан айыб тюлдю, билмеген айыбды.
- Алма терегинден кери кетмез.
- Къыз тиширыу кеси юйюнде да къонакъды.
- Чалманны аллы къалай башланса, арты да алай барады.
- Ач да бол, токъ да бол – намысынга бек бол.
- Тойгъа барсанг, тоюб бар, эски тонунгу къоюб бар.
- Ауругъанны сау билмез, ач къарынны токъ билмез.
- Суу кетер, таш къалыр.
- Ишленмеклик адамлыкъды.
- Айран тёгюлсе, джугъусу къалыр.
- Кёб ант этген, кёб ётюрюк айтыр.
- Аманнга алтын чыдамаз.
- Джашынгы кесинг юретмесенг, джашау юретир.
- Ана – юйню кюн джарыгъы.
- Къатын къылыкъсыз, эр тынчлыкъсыз.
- Баланы адам этген анады.
- Тюкюрюк баш джармаз, налат кёз чыгъармаз!
Профиль
|
|
|||