- Бек ашыкъгъан меннге джетсин, дегенди аракъы.
- Тил – кесген бычакъ, сёз – атылгъан окъ.
- Джол бла сёзню къыйыры джокъ.
- Ата – баланы уясы.
- Тойгъа барсанг, тоюб бар, эски тонунгу къоюб бар.
- Арыгъан къош чамчы болур.
- Иги адамны бир сёзю эки болмаз.
- Адам туугъан джеринде, ит тойгъан джеринде.
- Хоншуну тауугъу къаз кёрюнюр, келини къыз кёрюнюр.
- Къралынгы – душмандан, башынгы от бла суудан сакъла.
- Джарашыу сюйген – джалынчакъ.
- Ёзденликни кёбю ётюрюк.
- Эм ашхы къайын ана мамукъ бла башынгы тешер.
- Джылкъыдан – ат чыгъар, тукъумдан – джаш чыгъар.
- Ата – билек, ана – джюрек!
- Аз сёлешген, къайгъысыз турур.
- Ашына кёре табагъы, балына кёре къалагъы.
- Эшекге миннген – биринчи айыб, андан джыгъылгъан – экинчи айыб.
- Сормай – алма, чакъырылмай – барма.
- Уллу суу бла уллу ауруудан башынгы сакъла.
- Бастасын ашагъан, хантусун да ичер.
- Айныгъанлы алты кюн, тогъайгъанлы тогъуз кюн.
- Азыкълы ат арымаз, къатыны аман джарымаз.
- Киштикге къанат битсе, чыпчыкъ къалмаз эди.
- Адам къыйынлыгъын кёлтюрюр, зауукълугъун кёлтюрмез.
- Ишлемеген – тишлемез.
- Кийиминг бла танылма, адамлыкъ бла таныл.
- Ашарыкъда сайлагъаннга – чий гырджын.
- Ана кёлю – балада, бала кёлю – талада.
- Адеб этмеген, адеб кёрмез.
- Кёзюнде тереги болгъан, чёбю болгъаннга кюле эди.
- Ёгюзню мюйюзлери ауурлукъ этмейдиле.
- Рысхы – сют юсюнде кёмюк кибикди.
- Экиндини кеч къылсанг, чабыб джетер ашхам.
- Кёбню кёрген – кёб билир.
- Экеулен сёлеше тура эселе, орталарына барыб кирме.
- Тойгъан джерге джети къайт.
- Сакъ юйюне сау барыр.
- Кесине гебен этелмеген, биреуге черен эте эди.
- Эркишини аманы тиширыуну джылатыр.
- Байлыкъ болгъан джерде, тынчлыкъ джокъду.
- Джангыз терек къынгыр ёсер.
- Билимсиз иш бармаз.
- Кюн кёрмеген, кюн кёрсе, кюндюз чыракъ джандырыр.
- Ётюрюкню башын керти кесер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ойнай-ойнай кёз чыгъар.
- Айран ичген – къутулду, джугъусун джалагъан – тутулду.
- Таукелге нюр джауар.
- Кёкдеги болмаса, джердегин кёрмейди.
Профиль
|
|
|
|||