Эльбрусоид :: Форум

Иги бла джюрюсенг, джетерсе муратынга, аман бла джюрюсенг, къалырса уятха.
Минг тенг да азды, бир джау да кёбдю.
Биреуге аманлыкъны тилеме да, кесинге ашхылыкъны тиле.
Адам боллукъ, атламындан белгили болур.
Тас болгъан бычакъны сабы – алтын.
Бюгюн дуния кибик, тамбла ахыратды.
Къуру гыбыт бек дыгъырдар.
Азыгъы аз, алгъа къабар, аты аман, алгъа чабар.
Бетинги сатма, малынгы сат.
Джарлы джети элни сёзюн этер.
Келлик заман – къартлыкъ келтирир, кетген заман – джашлыкъ ёлтюрюр.
Эл тойса, тоймагъан, эл къойса, къоймагъан.
Аллахдан тилесенг, кёб тиле.
Билимсиз иш бармаз.
Элде адам къалмаса, ит тахтагъа минер.
Джарлыны тону джаз битер.
Ётюрюкню башын керти кесер.
Киштикге къанат битсе, чыпчыкъ къалмаз эди.
Айтхан сёзюне табылгъан.
Иги адам абынса да, джангылмаз.
Кимни – тили, тиши онглу, кимни – къолу, иши онглу.
Тойгъа алгъа да барма, тойда артха да къалма.
«Ёгюз, джаргъа джууукъ барма, меннге джюк боллукъса», - дегенди эшек.
Джырына кёре эжиую.
Адам къаллай бир ишленмесе, аллай бир кесин уллу кёреди.
Билим ат болуб да чабар, къуш болуб да учар.
Керилген да, ургъан кибикди.
Адеб этмеген, адеб кёрмез.
Эл бла кёргенинг эрелей.
Аурууну келиую тынч, кетиую – къыйын.
Ишленмеклик адамлыкъды.
Айтылгъан сёз ызына къайтмаз.
Сютден ауузу кюйген, суугъа юфгюре эди.
Аманнга алтын чыдамаз.
Сёлеш деб шай берген, тохта деб, сом берген.
Бал ашаргъа сюе эсенг, чибин ургъаннга тёз.
Мал тутхан – май джалар.
Акъдан къара болмаз.
Зарда марда джокъ.
Окъугъанны бети джарыкъ.
Тёрде – темир таякълы, къаяда – чыпчыкъ аякълы.
Аз сёлеш, кёб ишле.
Уллу суу бла уллу ауруудан башынгы сакъла.
Эки ойлашыб, бир сёлешген.
Хар ишни да аллы къыйынды.
Атынг аманнга чыкъгъандан эсе, джанынг тамагъынгдан чыкъсын.
Ата – билек, ана – джюрек!
Чоюнну башы ачыкъ болса, итге уят керекди.
Огъурлуну сёзю – суу, огъурсузну сёзю – уу.
Танг атмайма десе да, кюн къоярыкъ тюйюлдю.

Логин:
Пароль:
	Запомнить меня на этом компьютере

Забыли свой пароль?
Регистрация