- Тиширыусуз юй – отсуз от джагъа.
- Кютгени беш эчки, сызгъыргъаны уа, джерни джарады.
- Зар адамны насыбы болмаз.
- Джангызны оту джарыкъ джанмаз!
- Адеб джокъда, намыс джокъ.
- Суу ичген шауданынга тюкюрме.
- Тамчы таш тешер.
- Биреу ашаб къутулур, биреу джалаб тутулур.
- Арба аугъандан сора, джол кёргюзтюучю кёб болур.
- Кийимни бир кюнню аясанг, минг кюннге джарар.
- Булут кёкге джарашыу, уят бетге джарашыу.
- Биреуге кёлтюрген таягъынг, кесинги башынга урур.
- Мал ёлсе, сюек къалыр, адам ёлсе, иши къалыр.
- Оюмсуз атлагъан, аджалсыз ёлюр.
- Эрине къаргъыш этген къатын, эрнин къабар.
- Мураты болгъанны джюрек тебюую башхады.
- Джеринден айырылгъан – джети джылар, джуртундан айырылгъан – ёлгюнчю джылар.
- Нарт сёз къарт болмаз.
- Рысхы – насыбха къор.
- Ёгюзню мюйюзюнден тутадыла, адамны сёзюнден тутадыла.
- Бир онгсуз адам адет чыгъарды, деб эштирик тюлсе.
- Къолунгдан къуймакъ ашатсанг да, атаны борчундан къутулмазса.
- Къыз чыгъаргъан – къызыл къымжа.
- Эки итни арасына сюек атма, эки адамны арасында сёз чыгъарма.
- Байлыкъ тауусулур, билим тауусулмаз.
- Билимден уллу байлыкъ джокъду.
- Ишлегенде эринме, ишде чолакъ кёрюнме.
- Ата Джуртун танымагъан, атасын да танымаз.
- Къарнынг тойгъунчу аша да, белинг талгъынчы ишле.
- Тюзлюк шохлукъну бегитир.
- Адамны артындан къара сабан сюрме.
- Аш кетер да бет къалыр.
- Эл элде бирер малынг болгъандан эсе, бирер тенгинг болсун.
- Аманнга алтын чыдамаз.
- Айырылгъанланы айю ашар, бёлюннгенлени бёрю ашар.
- Тили узунну, намысы – къысха.
- Бир абыннган – минг сюрюнюр.
- Окъуусуз билим – джокъ, билимсиз кюнюнг – джокъ.
- Ёксюзню тилеги къабыл болур.
- Чёбню кёлтюрсенг, тюбюнден сёз чыгъар.
- Къууут – джелге, берне – бошха.
- Къатын байлыкъны сюер, эр саулукъну сюер.
- Кёб джашагъан – кёб билир.
- Иги адамны бир сёзю эки болмаз.
- Билмегенинги, билгеннге сор.
- Тешигини къатында, чычхан да батыр болур.
- Терек ауса, отунчу – кёб.
- Башынга джетмегенни сорма.
- Джашны джигитлиги сорулур, къызны джигерлиги сорулур.
- Къарын къуру болса, джюрек уру болур.
Профиль
|
|
|
|||