- Къарын къуру болса, джюрек уру болур.
- Кирсизни – саны таза, халалны – къаны таза.
- Тойгъандан сора, ашны сёкме.
- Билмегенинги, билгеннге сор.
- Бет бетге къараса, бет да джерге къарар.
- Джылар джаш, атасыны сакъалы бла ойнар.
- Адамны аманы адамны бети бла ойнар.
- Ауругъаннга – кийик саулукъ, джетген къызгъа – чилле джаулукъ.
- Джюрек кёзден алгъа кёрюр.
- Ата Джуртуму башы болмасам да, босагъасында ташы болайым.
- Битмегеннге сакъал – танг.
- Кёбден умут этиб, аздан къуру къалма.
- Адебни адебсизден юрен.
- Аман адамны тепсинге олтуртсанг, къызынгы тилер.
- Тас болгъан бычакъны сабы – алтын.
- Ариуну – ауруу кёб.
- Адам сёзюнден белгили.
- Оюмсуз атлагъан, аджалсыз ёлюр.
- Джаш къарыу бла кючлю, къарт акъыл бла кючлю.
- Хоншуну тауугъу къаз кёрюнюр, келини къыз кёрюнюр.
- Тилде сюек болмаса да, сюек сындырыр.
- Келгинчи, къонакъ уялыр, келгенден сора, къонакъбай уялыр.
- Бастасын ашагъан, хантусун да ичер.
- Башы ишлегенни, ауузу да ишлер.
- Кесине гебен этелмеген, биреуге черен эте эди.
- Акъыл бла адеб эгизледиле.
- Аш кетер да бет къалыр.
- Билими азны – ауузунда кирит.
- Чабар ат – джетген къыз.
- Чакъырылмагъан джерге барма, чакъырылгъан джерден къалма.
- Шапа кёб болса, аш татымсыз болур.
- Хар ишни да аллы къыйынды.
- Джарашыу сюйген – джалынчакъ.
- Чарсда алчыны эл кёреди.
- Уруну арты – къуру.
- Эрни эр этерик да, къара джер этерик да, тиширыуду.
- Зарда марда джокъ.
- Уллу суу бла уллу ауруудан башынгы сакъла.
- Элде адам къалмаса, ит тахтагъа минер.
- Айтхан – тынч, этген – къыйын.
- Бети бедерден, намыс сакълама.
- Джашны джигитлиги сорулур, къызны джигерлиги сорулур.
- Чакъырылмагъан къонакъ тёрге атламаз.
- Къонакъ кёб келюучю юйню, къазаны отдан тюшмез.
- Къарт айтханны этмеген, къартаймаз.
- Сабыр джетер муратха, сабырсыз къалыр уятха.
- Бети къызарыучу адамны, джюреги харам болмаз.
- Хаухну атма, ёнгкючню сатма.
- Джуртун къоругъан озар.
- Къонагъынгы артмагъын алма да, алгъышын ал.
Профиль
|
|
|||