- Къызгъанчдан ычхыныр, мухардан ычхынмаз.
- Игилик игилик бла сингдирилиучю затды.
- Окъдан джара эртде-кеч болса да бителир, сёз джара, ёмюрге къалыр.
- Къан бла кирген, джан бла чыгъар.
- Аман эсирсе, юйюн ояр.
- Башсыз урчукъ тюзюне айланмаз.
- Аз айтсам, кёб ангылагъыз.
- Дуния аламаты сен эсенг да, игиме деб айтма.
- Билмегенинги, билгеннге сор.
- Хантына кёре тузу, юйюне кёре къызы.
- Тура эдим джата, къайдан чыкъды хата?
- Джарлыны тону джаз битер.
- Тай асырагъан, атха минер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сакъламагъан затынга джолукъсанг, не бек къууанаса, не бек ачыйса.
- Ишни ахырын ойламай, аллын башлама.
- Эки къатын алгъанны къулагъы тынгнгаймаз.
- Мухар, кеси тойса да, кёзю тоймаз.
- Кесине гебен этелмеген, биреуге черен эте эди.
- Къонагъынгы артмагъын алма да, алгъышын ал.
- Ата – билек, ана – джюрек!
- Айранын берсенг, челегин да къызгъанма.
- Хар адамгъа кеси миннген тау кибик.
- Ариу – кёзге, акъыл – джюрекге.
- Келинин тута билмеген, къул этер, къызын тута билмеген, тул этер.
- Бозаны арты дауур болур.
- Элни кючю – эмеген.
- Джаралыны джастыгъында сау ёлюр.
- Къазанны башы ачыкъ болса, итге уят керекди.
- Айраннга суу къош, телиге джол бош.
- Тамырсыз терекге таянма – джыгъылырса.
- Иги сёз – джаннга азыкъ, аман сёз башха – къазыкъ.
- Тенгинг джокъ эсе – изле, бар эсе – сакъла!
- Чомартны къолу берекет.
- Шекер бла туз – бир болмаз, ушамагъан – юй болмаз.
- Ойнай билмеген, оюн бузар.
- Ач отунчуну ачыуу – бурнунда.
- Сабийликде юретмесенг, уллу болса – тюзелмез.
- Эри аманны, къатыны – аман.
- Огъурлуну сёзю – суу, огъурсузну сёзю – уу.
- Гитче джилтин уллу элни джандырыр.
- Тойгъа алгъа да барма, тойда артха да къалма.
- Этни бети бла шорпасы.
- Тойчу джашха къарама, къойчу джашха къара.
- Эринчекге кюн узун.
- Къуллукъчума, деб махтанма, къуллукъ – хаух джамчыды!
- Атадан ёксюз – бир ёксюз, анадан ёксюз – эки ёксюз.
- Байдан умут эте, джарлыдан ёгюз багъасы къорады.
- Ашаса, ашамаса да, бёрюню ауузу – къан.
- Намысы болмагъанны, сыйы болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72