- Джыланны къуйругъундан басарынг келсе, аны башы болгъанын унутма.
- Харам къарнашдан, халал тенг ашхы.
- Къыйынлы джети элни къайгъысын этер.
- Тил – кесген бычакъ, сёз – атылгъан окъ.
- Игини сыйлагъан адетди.
- Булут кёкге джарашыу, уят бетге джарашыу.
- Билим – акъылны чырагъы.
- Сормай – алма, чакъырылмай – барма.
- Хар ишни да аллы къыйынды.
- Кийимни бир кюнню аясанг, минг кюннге джарар.
- Адам туугъан джеринде, ит тойгъан джеринде.
- Мени джылытмагъан кюн, меннге тиймесин!
- Мадар болса, къадар болур.
- Ашхы – джыяр, аман – джояр.
- Гыдай эчки суугъа къараб, мюйюзле кёрмесе, джашма алкъын, дегенди.
- Байлыкъ болгъан джерде, тынчлыкъ джокъду.
- Намысы болмагъанны, сыйы болмаз.
- Кёлсюзден сёзсюз тууар.
- Гитче джилтин уллу элни джандырыр.
- Кёбню кёрген – кёб билир.
- Айныгъанлы алты кюн, тогъайгъанлы тогъуз кюн.
- Аш берме да, къаш бер.
- Ётюрюкню къуйругъу – бир тутум.
- Чарсда алчыны эл кёреди.
- Экеу тутушса, биреу джыгъылыр.
- Дуния аламаты сен эсенг да, игиме деб айтма.
- Эр сокъур болсун, къатын тилсиз болсун.
- Ёзденликни кёбю ётюрюк.
- Танг атмайма десе да, кюн къоярыкъ тюйюлдю.
- Джолда аягъынга сакъ бол, ушакъда тилинге сакъ бол.
- Туз, гырджын аша, тюзлюк бла джаша.
- Сакъалы текени да бар, мыйыгъы киштикни да бар.
- Ач – эснер, ат – кишнер.
- Ачны эсинде – аш.
- Джарлыны эшигин махтагъан джабар.
- Накъырданы арты керти болур.
- Тау башында, тау болмаз, джангыз терек, бау болмаз.
- Акъдан къара болмаз.
- Арбаз къынгырды да, ийнек сауалмайма.
- Ата джурт – алтын бешик.
- Айтханы чапыракъдан ётмеген.
- Чакъырылмагъан къонакъ – орунсуз.
- Адамны бетине къарама, адетине къара.
- Къайтырыкъ эшигинги, къаты уруб чыкъма.
- Билген билмегенни юретген адетди.
- Телини эшигин, махтау джабар.
- Нёгер болсанг, тенг бол, тенг болмасанг, кенг бол.
- Ишлемеген – тишлемез.
- Тешигини къатында, чычхан да батыр болур.
- Тёзгеннге, джабылгъан эшик ачылыр.
Профиль
|
|
|||