- Чакъырылмагъан джерге барма, чакъырылгъан джерден къалма.
- Элге къуллукъ этмеген, элге ие болмаз.
- Эл тойса, тоймагъан, эл къойса, къоймагъан.
- Бал чибинни ургъаны – ачы, балы – татлы.
- Ёлмесенг да, къарт дамы болмазса?
- Нафысынгы айтханын этме, намысынгы айтханын эт.
- Эли джокъну – кёлю джокъ.
- Ауругъанны сау билмез, ач къарынны токъ билмез.
- Ана кёлю – балада, бала кёлю – талада.
- Адеб этмеген, адеб кёрмез.
- Аманнга алтын чыдамаз.
- Эрине къаргъыш этген къатын, эрнин къабар.
- Чалманны аллы къалай башланса, арты да алай барады.
- Джаш къарыу бла кючлю, къарт акъыл бла кючлю.
- Ашарыкъда сайлагъаннга – чий гырджын.
- Рысхы – насыбха къор.
- Тойну къарнашы – харс, джырны къарнашы – эжиу.
- Ашхылыкъ джерде джатмайды, аманлыкъ суугъа батмайды.
- Ариу – кёзге, акъыл – джюрекге.
- Билгенни къолу къарны джандырыр.
- Юйлю уругъа ит чабмаз.
- Сакъламагъан затынга джолукъсанг, не бек къууанаса, не бек ачыйса.
- Тилде сюек болмаса да, сюек сындырыр.
- Биреу къой излей, биреу той излей.
- Кёзден кетген, кёлден да кетеди.
- Уллу айтханны этмеген – уллаймаз.
- Ауузу бла къуш тута айланады.
- Кёзню ачылгъаны – иги, ауузну джабылгъаны – иги.
- Билими азны – ауузунда кирит.
- Байма, деб да, къууанма, джарлыма, деб да, джылама.
- Аман адамны тепсинге олтуртсанг, къызынгы тилер.
- Ана къойну – балагъа джандет.
- Къонакъны къачан кетерин сорма, къачан келлигин сор.
- Тамырсыз терекге таянма – джыгъылырса.
- Акъыл бла адеб эгизледиле.
- Тешигини къатында, чычхан да батыр болур.
- Кечеси – аяз, кюню – къыш, джарлы къаргъагъа бир аш тюш!
- Илму – джашауну джолу.
- Кюн кёрмеген, кюн кёрсе, кюндюз чыракъ джандырыр.
- Гырджын – тепсини тамадасы.
- Ач – эснер, ат – кишнер.
- Тёрени джагъы джокъ.
- Къазанда болса, чолпугъа чыгъар.
- Эринчекге кюн узун.
- Бозанг болмагъан джерге, къалагъынгы сукъма.
- Уясында не кёрсе, учханында аны этер.
- Ёлген эшек бёрюден къоркъмайды.
- Дууулдаса – бал чибин, къонса – къара чибин.
- Къолунгдан къуймакъ ашатсанг да, атаны борчундан къутулмазса.
- Сёз садакъдан кючлюдю.
Профиль
|
|
|
|||