Эльбрусоид :: Форум

Ким бла джюрюсенг, аны кёзю бла кёрюнюрсе.
Тамырсыз терекге таянма – джыгъылырса.
Аууздан келген, къолдан келсе, ким да патчах болур эди.
Элде адам къалмаса, ит тахтагъа минер.
Юреннген ауруу къалмаз.
Борчунг бар эсе, хурджунунга ойлаб узал.
Къайгъы тюбю – тенгиз.
Орундукъ тюбюнде атылсам да, орта джиликме, де да айлан.
«Ма», - дегенни билмесенг, «бер», - дегенни билмезсе.
Айтхан – тынч, этген – къыйын.
Ач къалгъандан, кеч къалгъан къолай.
Гугурук къычырмаса да, тангны атары къалмаз.
Ариу джол аджал келтирмез.
Айырылгъанланы айю ашар, бёлюннгенлени бёрю ашар.
Урунуу – насыбны анасы.
Башланнган иш битер, къымылдагъан тиш тюшер.
Бичгенде ашыкъма, тикгенде ашыкъ.
Уллу суу бла уллу ауруудан башынгы сакъла.
Ачылгъан эт джабылыр, кёрген кёз унутмаз.
Эли джокъну – кёлю джокъ.
Азыкъ аз болса, эртде орун сал.
Насыб бютеу халкъны юлюшюдю.
Садакъачыны джаны – къапчыгъында.
Ишни аллы бла къууанма да, арты бла къууан.
Джаш къарыу бла кючлю, къарт акъыл бла кючлю.
Билим насыб берир, билим джолну керир.
Джумушакъ сёз къаты таякъны сындырыр.
Къарт болгъан джерде, берекет болур, сабий болгъан джерде, оюн болур.
Аман къатын сабий табса, бий болур…
Бети бедерден, намыс сакълама.
Чакъырылгъанны аты, чакъырылмагъанны багъасы болур.
Тойну къарнашы – харс, джырны къарнашы – эжиу.
Гитче джилтин уллу элни джандырыр.
Онгсузну – джакъла, тенгликни – сакъла.
Аманны къуугъан, аманлыкъ табар.
Таугъа чыгъаллыкъ эсенг, тюзде къалма.
Хунаны тюбюн къазсанг, юсюнге ауар.
Къыз тиширыу кеси юйюнде да къонакъды.
Чабакъ башындан чирийди.
Эки итни арасына сюек атма, эки адамны арасында сёз чыгъарма.
Билимсиз иш бармаз.
Сабыр джетер муратха, сабырсыз къалыр уятха.
Этни да ашады, бетни да ашады.
Акъыллы айтыр эди, акъылсыз къоймайды.
Ёлюк кебинсиз къалмаз.
Оюмсуз атлагъан, аджалсыз ёлюр.
Сакъалы текени да бар, мыйыгъы киштикни да бар.
Къар – келтирди, суу – элтди.
Ёлмесенг да, къарт дамы болмазса?
Чомарт бергенин айтмаз.

Логин:
Пароль:
	Запомнить меня на этом компьютере

Забыли свой пароль?
Регистрация