- Айтхан – тынч, этген – къыйын.
- Азыгъы аз, алгъа къабар, аты аман, алгъа чабар.
- Арбаз къынгырды да, ийнек сауалмайма.
- Намысы болмагъанны, сыйы болмаз.
- Ётюрюк хапар аякъ тюбю бла джюрюйдю.
- Сакъалы текени да бар, мыйыгъы киштикни да бар.
- Ёлюк кебинсиз къалмаз.
- Чомартны къолун джокълукъ байлар.
- Тенгинг джокъ эсе – изле, бар эсе – сакъла!
- Эринчекни аурууу – кёб.
- Мухар, кеси тойса да, кёзю тоймаз.
- Эрни эр этерик да, къара джер этерик да, тиширыуду.
- Ашын ашагъанынгы, башын да сыйла.
- Иги адам абынса да, джангылмаз.
- Ач да бол, токъ да бол – намысынга бек бол.
- Аллахдан тилесенг, кёб тиле.
- Суугъа – таянма, джаугъа – ийнанма.
- Мухардан ач ычхынмаз.
- Ашхы – джыяр, аман – джояр.
- Къонагъынгы артмагъын алма да, алгъышын ал.
- Эки къатын алгъан – эки ташны ортасына башын салгъан.
- Сёлеш деб шай берген, тохта деб, сом берген.
- Гырджын – тепсини тамадасы.
- Эшекге миннген – биринчи айыб, андан джыгъылгъан – экинчи айыб.
- Кеси юйюмде мен да ханма.
- Джолда аягъынга сакъ бол, ушакъда тилинге сакъ бол.
- Гугук кесини атын айтыб къычыргъанча, мен, мен деб нек тураса?
- Ёгюзню мюйюзлери ауурлукъ этмейдиле.
- Байдан умут эте, джарлыдан ёгюз багъасы къорады.
- Тюз сёз баргъан сууну тыяр.
- Таугъа чыгъаллыкъ эсенг, тюзде къалма.
- Мен да «сен», дейме, сен да «кесим», дейсе.
- Джан саулукъ бермей, сан саулукъ бермезсе.
- Тойгъанлыкъ къойгъа джарашады.
- Тойну къарнашы – харс, джырны къарнашы – эжиу.
- Зарда марда джокъ.
- Тынгылагъан тынгы бузар.
- Чыбыкълыкъда бюгюлмеген, къазыкълыкъда бюгюлмей эди.
- Джети тилни билген джети кишиди.
- Арыгъан къош чамчы болур.
- Чакъырылмагъан джерге барма, чакъырылгъан джерден къалма.
- Келинни – келгинчи, бёркню кийгинчи кёр.
- Къазанны башы ачыкъ болса, итге уят керекди.
- Ёлмесенг да, къарт дамы болмазса?
- Тойгъандан сора, ашны сёкме.
- Бичгенде ашыкъма, тикгенде ашыкъ.
- Ачлыкъда тары гырджын халыуадан татлы.
- Халкъны джырын джырласанг, халкъ санга эжиу этер.
- Къатын къылыкъсыз, эр тынчлыкъсыз.
- Билеги кючлю, бирни джыгъар, билими кючлю, мингни джыгъар.
Профиль
|
|
|||