- Хаухну атма, ёнгкючню сатма.
- Ашхы адам – халкъ байлыгъы, ашхы джер – джашау байлыгъы.
- Уллу къашыкъ эрин джыртар.
- Нёгерсизни джолу узун.
- Ауругъаннга – кийик саулукъ, джетген къызгъа – чилле джаулукъ.
- Гугук кесини атын айтыб къычыргъанча, мен, мен деб нек тураса?
- Эртде тургъан джылкъычыны эркек аты тай табар.
- Нафысынгы айтханын этме, намысынгы айтханын эт.
- Ханы къызы буюгъа-буюгъа киштик болду.
- Биреуге кёлтюрген таягъынг, кесинги башынга урур.
- Джерни букъусу кёкге къонмаз.
- Къарнынг ауруса, ауузунгу тый
- Айтылгъан сёз ызына къайтмаз.
- Насыблы элин сюер, насыбсыз кесин сюер.
- Элиб деген, элге болушур.
- Айтхан сёзюне табылгъан.
- Тойгъан джерден туугъан джер игиди.
- Таш бла ургъанны, аш бла ур.
- Ата Джуртча джер болмаз, туугъан элча эл болмаз.
- Уллу атлама – абынырса, уллу къабма – къарылырса.
- Ачны эсинде – аш.
- Адебсиз адам – джюгенсиз ат.
- Кирсизни – саны таза, халалны – къаны таза.
- Таукел къуру къалмаз.
- Атлыны кёрсе, джаяуну буту талыр.
- Тамчы таш тешер.
- Эртде тургъан бла эртде юйленнген сокъуранмаз.
- Игиге айтсанг – билир, аманнга айтсанг – кюлюр.
- Ойнаб айтсанг да, эслеб айт.
- Сормай – алма, чакъырылмай – барма.
- Таугъа чыгъаллыкъ эсенг, тюзде къалма.
- Джигер – джаннга къыйынлыкъ.
- Джетген къыз джерли эшекни танымаз.
- Тенгинг джокъ эсе – изле, бар эсе – сакъла!
- Акъыллы башны – тили къысха.
- Телиге от эт десенг, юйюнге от салыр.
- Эркиши – от, тиширыу – суу.
- Орну джокъну – сыйы джокъ.
- Хата – гитчеден.
- Ариу сёз – джаннга азыкъ, аман сёз – башха къазыкъ.
- Эрни эр этерик да, къара джер этерик да, тиширыуду.
- Бозанг болмагъан джерге, къалагъынгы сукъма.
- Ёлген эшек бёрюден къоркъмайды.
- Адеб базарда сатылмаз.
- Тойгъанлыкъ къойгъа джарашады.
- Джырчы джырчыгъа – къарнаш.
- Ашхы – джыяр, аман – джояр.
- Къызын тута билмеген, тул этер, джашын тута билмеген, къул этер.
- Къаллай салам берсенг, аллай джууаб алырса.
- Эшекни не къадар тюйсенг да, ат болмаз.
Профиль
|
|
|||