- Биреу ашаб къутулур, биреу джалаб тутулур.
- Къан бла кирген, джан бла чыгъар.
- Джолунга кёре – джюрюшюнг, джагъанга кёре – юлюшюнг.
- Алим болгъандан эсе, адам болгъан къыйынды.
- Ач къалгъандан, кеч къалгъан къолай.
- Кёл – къызбай, къол – батыр.
- Керек ташны ауурлугъу джокъ.
- Хаухну атма, ёнгкючню сатма.
- Киштикге къанат битсе, чыпчыкъ къалмаз эди.
- Рысхы – сют юсюнде кёмюк кибикди.
- Чомарт къонакъ юй иесин сыйлар.
- Ишлерге уял да, ашаргъа табма.
- Суу кетер, таш къалыр.
- Къайгъыны сюйген, къайгъы табар.
- Кёзню ачылгъаны – иги, ауузну джабылгъаны – иги.
- Ашда – бёрю, ишде – ёлю.
- Чалманны аллы къалай башланса, арты да алай барады.
- Джаным-тиним – окъуу, билим.
- Чомартны къолу берекет.
- Ётген ёмюр – акъгъан суу.
- Уясында не кёрсе, учханында аны этер.
- Орну джокъну – сыйы джокъ.
- Таукел къуру къалмаз.
- Кёб джат да, бек чаб.
- Ана къойну – балагъа джандет.
- Ачлыкъ отха секиртир.
- Намыс сатылыб алынмайды.
- Ариу сёз аурууунгу алыр.
- Хоншуну тауугъу къаз кёрюнюр, келини къыз кёрюнюр.
- Этим кетсе да, сюегим къалыр.
- Окъ къызбайны джокълайды.
- Ариу сёз джыланны орнундан чыгъарыр.
- Эллинг бла джау болсанг да, юйюнг бла джау болма.
- Таякъ этден ётер, тил сюекден ётер.
- Аман къатын сабий табса, бий болур…
- Ёксюзню къалачы уллу кёрюнюр.
- Аджашхан тёгерек айланыр.
- Аманны эки битли тону болур, бирин сеннге кийдирир, бирин кеси киер.
- Бермеген къол, алмайды.
- Чоюнну башы ачыкъ болса, итге уят керекди.
- Джаш къарыу бла кючлю, къарт акъыл бла кючлю.
- Иесиз малны бёрю ашар.
- Уллу атлама – абынырса, уллу къабма – къарылырса.
- Къызбайны юйюне дери сюрсенг, батыр болур.
- Мени джылытмагъан кюн, меннге тиймесин!
- Тёрде – темир таякълы, къаяда – чыпчыкъ аякълы.
- Къатыны харакетли болса, эри къымсыз болур.
- От этилмеген джерден тютюн чыкъмайды.
- Тас болгъан бычакъны сабы – алтын.
- Арбаз къынгырды да, ийнек сауалмайма.
Профиль
|
|
|||