- Ариу джол аджал келтирмез.
- Ариуну – ауруу кёб.
- Иги – алгъыш этер, аман – къаргъыш этер.
- Бек ашыкъгъан меннге джетсин, дегенди аракъы.
- Акъыл аздырмаз, билим тоздурмаз.
- Джетген къыз джерли эшекни танымаз.
- Кёб ант этген, кёб ётюрюк айтыр.
- Тешик этген тынчды, аны джамагъан къыйынды.
- Ач уят къоймаз.
- Хантына кёре тузу, юйюне кёре къызы.
- Къан бла кирген, джан бла чыгъар.
- Экеулен сёлеше тура эселе, орталарына барыб кирме.
- Тулпарлыкъ, билекден тюл – джюрекден.
- Байны оноуу, джарлыгъа джарамаз.
- Арбаз сайлама да, хоншу сайла.
- Накъырда – кертини келечиси.
- Аман адамны тепсинге олтуртсанг, къызынгы тилер.
- Хатерли къул болур.
- Тил – миллетни джаны.
- Джолда аягъынга сакъ бол, ушакъда тилинге сакъ бол.
- Эшекге миннген – биринчи айыб, андан джыгъылгъан – экинчи айыб.
- Джеринден айырылгъан – джети джылар, джуртундан айырылгъан – ёлгюнчю джылар.
- Джогъун бар этген, барын бал этген.
- Джауумдан сора, кюн кюйдюрюр, ётюрюкден сора, айыб кюйдюрюр.
- Арба аугъандан сора, джол кёргюзтюучю кёб болур.
- Берекет берсин деген джерде, берекет болур.
- Уллу къашыкъ эрин джыртар.
- Тёрдеги кюлсе, эшикдеги ышарыр.
- Игиге айтсанг – билир, аманнга айтсанг – кюлюр.
- Ат басханны джер билед.
- Татлы сёз – балдан татлы.
- Къызын тута билмеген, тул этер, джашын тута билмеген, къул этер.
- Аз сёлешген, къайгъысыз турур.
- Терслик кетер, тюзлюк джетер.
- Сагъыш – къартлыкъгъа сюйюмчю.
- Халкъгъа джарагъан, джарлы къалмаз.
- Мадар болса, къадар болур.
- Аз айтсам, кёб ангылагъыз.
- Чомарт къонакъ юй иесин сыйлар.
- Джырчы ёлсе, джыры къалыр.
- Суугъа – чабакъ, къаягъа – ыргъакъ.
- Кёбге таш атма.
- Таугъа чыгъаллыкъ эсенг, тюзде къалма.
- Суугъа – таянма, джаугъа – ийнанма.
- Ашатыргъа иш – ашхы, ишлетирге аш – ашхы.
- Къонакъ хазыр болгъанлыкъгъа, къонакъбай хазыр тюлдю.
- Аллахха ийнаннган кишини, Аллах онгдурур ишин.
- Башланнган иш битер, къымылдагъан тиш тюшер.
- Тёгюлген тюгел джыйылмайды.
- Юйлю уругъа ит чабмаз.
Профиль
|
|
|||