- Ариу сёз – къылычдан джити.
- Эки къатын алгъан – эки ташны ортасына башын салгъан.
- Илму – джашауну джолу.
- Ауругъаннга – кийик саулукъ, джетген къызгъа – чилле джаулукъ.
- Ана кёлю – балада, бала кёлю – талада.
- Ётюрюкню къуйругъу – бир тутум.
- Аманнга алтын чыдамаз.
- Айранны сюйген, ийнек тутар.
- Сууда джау джокъ, кёб сёзде магъана джокъ.
- Тау башында, тау болмаз, джангыз терек, бау болмаз.
- Ёгюзню мюйюзлери ауурлукъ этмейдиле.
- Къазанны башы ачыкъ болса, итге уят керекди.
- Ач къарным, тынч къулагъым.
- Ойнай-ойнай кёз чыгъар.
- Джангыз торгъай джырламаз.
- Юй ишлеген балта эшикде къалыр.
- Эринчекге кюн узун.
- Билим насыб берир, билим джолну керир.
- Къонакъ аз олтурур, кёб сынар.
- Джогъун бар этген, барын бал этген.
- Къайгъы тюбю – тенгиз.
- Аджаллыгъа окъсуз шкок атылыр.
- Тыш элде солтан болгъандан эсе, кесинги элде олтан болгъан игиди!
- Артына баргъанны, къатына барма.
- Кёлю джокъну – джолу джокъ.
- Къарын къуру болса, джюрек уру болур.
- Уллу атлама – абынырса, уллу къабма – къарылырса.
- Джюрекден джюрекге джол барды.
- Сакъалы текени да бар, мыйыгъы киштикни да бар.
- Кёбден умут этиб, аздан къуру къалма.
- Эки къатын алгъанны къулагъы тынгнгаймаз.
- Къарнынг къанлынга кийирир.
- Ишленмеклик адамлыкъды.
- Джаханимни кёрмей, джандетге кёл салмазса.
- Къралынгы – душмандан, башынгы от бла суудан сакъла.
- Уллу сёлешме да, уллу къаб.
- Чомартха Тейри да борчлуду.
- Башланнган иш битер, къымылдагъан тиш тюшер.
- Аманны къуугъан, аманлыкъ табар.
- Керти сёзге тёре джокъ.
- Таула не мийик болсала да, аууш табылыр.
- Баланы адам этген анады.
- Акъыллы – эл иеси, тели – эл баласы.
- Эшекге миннген – биринчи айыб, андан джыгъылгъан – экинчи айыб.
- Джырына кёре эжиую.
- Кёрмегеннге кебек – танг, битмегеннге сакъал – танг.
- Байдан умут эте, джарлыдан ёгюз багъасы къорады.
- Джюз элде джюз ёгюзюм болгъандан эсе, джюз джууугъум болсун.
- Кеси юйюмде мен да ханма.
- Сакъ юйюне сау барыр.
Профиль
|
|
|||