- Къыйынлы джети элге оноу этер.
- Aдам боллукъ, сыфатындан белгили.
- Абынмазлыкъ аякъ джокъ, джангылмазлыкъ джаякъ джокъ.
- Байны оноуу, джарлыгъа джарамаз.
- Ургъан суудан башынгы сакъла.
- Халкъны юйю – туугъан джери.
- Этни бети бла шорпасы.
- Сабий кёргенин унутмаз.
- Рысхы – насыбха къор.
- Ашхы тенг джолгъа салыр, аман тенг джолдан тайдырыр.
- Джерни букъусу кёкге къонмаз.
- Тёрде – темир таякълы, къаяда – чыпчыкъ аякълы.
- Джумушакъ сёз къаты таякъны сындырыр.
- Адамгъа аман кюн соруб келмейди.
- Аш кетер да бет къалыр.
- Таукел къуру къалмаз.
- Джол бла сёзню къыйыры джокъ.
- Дуния малгъа сатылма, кесингден телиге къатылма.
- Агъач – джерни чырайы, кийим – эрни чырайы.
- Ишлерге уял да, ашаргъа табма.
- Джарлы джети элни сёзюн этер.
- Окъугъан – асыу, окъумагъан – джарсыу.
- Аджал соруб келмез, келсе, къайтыб кетмез.
- Бек анасы джыламаз.
- Туз, гырджын аша, тюзлюк бла джаша.
- Биреуге аманлыкъны тилеме да, кесинге ашхылыкъны тиле.
- Джырына кёре эжиую.
- Джюрекге ариу – кёзге да ариу.
- Тилсиз миллет джокъ болур.
- Тюкюрюк баш джармаз, налат кёз чыгъармаз!
- Ач отунчуну ачыуу – бурнунда.
- Тамчы таш тешер.
- Ётюрюкню къуйругъу – бир тутум.
- Аман къатын сабий табса, бий болур…
- Эки итни арасына сюек атма, эки адамны арасында сёз чыгъарма.
- Аш иеси бла татлыды.
- Акъыл бла адеб эгизледиле.
- Рысхы джалгъанды: келген да этер, кетген да этер.
- Сакъ юйюне сау барыр.
- Къатыны харакетли болса, эри къымсыз болур.
- Аллахха ийнаннган кишини, Аллах онгдурур ишин.
- Айранын берсенг, челегин да къызгъанма.
- Акъыллы – эл иеси, тели – эл баласы.
- Тойгъан джерге джети къайт.
- Ышармагъан – кюлмез, кюлмеген – къууанчны билмез.
- Таякъ этден ётер, тил сюекден ётер.
- Тёзгеннге, джабылгъан эшик ачылыр.
- Миллетни бойну – базыкъ, аны бла кюрешген – джазыкъ.
- Адеб этмеген, адеб кёрмез.
- Эринчекни аурууу – кёб.
Профиль
|
|
|||