- Чарсда алчыны эл кёреди.
- Элиб деген, элге болушур.
- Aдам боллукъ, сыфатындан белгили.
- Къызын тута билмеген, тул этер, джашын тута билмеген, къул этер.
- Бёрю да ач къалмасын, эчки да ашалмасын.
- Ёзденликни кёбю ётюрюк.
- Абынмазлыкъ аякъ джокъ, джангылмазлыкъ джаякъ джокъ.
- Эки элинги тыйсанг, джети элде махталырса.
- Мен да «сен», дейме, сен да «кесим», дейсе.
- Эки итни арасына сюек атма, эки адамны арасында сёз чыгъарма.
- Итли къонакъ джарашмаз.
- Билим къая тешер.
- Хаухну атма, ёнгкючню сатма.
- Ушамагъан – джукъмаз.
- Дууулдаса – бал чибин, къонса – къара чибин.
- Бозаны арты дауур болур.
- Къолунгдан къуймакъ ашатсанг да, атаны борчундан къутулмазса.
- Окъ къызбайны джокълайды.
- Эшекге миннген – биринчи айыб, андан джыгъылгъан – экинчи айыб.
- Ёксюзню къалачы уллу кёрюнюр.
- Зар адамны насыбы болмаз.
- Къайгъыны сюйген, къайгъы табар.
- Асхат ашлыкъ сата, юйдегиси ачдан къата.
- Байдан умут эте, джарлыдан ёгюз багъасы къорады.
- Иги адамны бир сёзю эки болмаз.
- Ойнаб айтсанг да, эслеб айт.
- Къарт бла баш аша, джаш бла аякъ аша.
- Кюн кёрмеген, кюн кёрсе, кюндюз чыракъ джандырыр.
- Эл ауузу – элек, анга ийнаннган – халек.
- Гугурук къычырмаса да, тангны атары къалмаз.
- Ишленмеген джаш – джюгенсиз ат, ишленмеген къыз – тузсуз хант.
- Джангызны оту джарыкъ джанмаз!
- Хоншуну тауугъу къаз кёрюнюр, келини къыз кёрюнюр.
- Тил бла келеди джыр да.
- Биреу ашаб къутулур, биреу джалаб тутулур.
- Агъач – джерни чырайы, кийим – эрни чырайы.
- Кёл ашады да, кеси ашады.
- Ишин билген, аны сыйын чыгъарады.
- Азыкъ аз болса, эртде орун сал.
- Эркишини аманы тиширыуну джылатыр.
- Артына баргъанны, къатына барма.
- Кёбге таш атма.
- Адам сёзюнден белгили.
- Иги джашны ышаны – аз сёлешиб, кёб тынгылар.
- Джашны джигитлиги сорулур, къызны джигерлиги сорулур.
- Ётюрюкню башын керти кесер.
- Аууз сакълагъан – джан сакълар.
- Айтхан – тынч, этген – къыйын.
- Хантына кёре тузу, юйюне кёре къызы.
- Чакъырылмагъан къонакъ тёрге атламаз.
Профиль
|
|
|||