Эльбрусоид :: Форум

Тойгъан джерге джети къайт.
Аман адамны тепсинге олтуртсанг, къызынгы тилер.
Чомарт бергенин айтмаз.
Къарны аманнга къазан такъдырма, къолу аманнга от джакъдырма.
Рысхы джалгъанды: келген да этер, кетген да этер.
Иги – алгъыш этер, аман – къаргъыш этер.
Аш хазыр болса, иш харам болур.
Окъуусуз билим – джокъ, билимсиз кюнюнг – джокъ.
Хансыз джомакъ болмаз.
Ёлген ийнек сютлю болур.
Кесинг сынамагъан затны, адамгъа буюрма.
Джеринден айырылгъан – джети джылар, джуртундан айырылгъан – ёлгюнчю джылар.
Хата – гитчеден.
Сагъышы джокъ – джукъучу, акъылы джокъ – къаугъачы.
Джерни букъусу кёкге къонмаз.
Чакъырылмагъан къонакъ – орунсуз.
Биреуге аманлыкъ этиб, кесинге игилик табмазса.
Дуния мал дунияда къалады.
Дженгил джетерикме деб, узун джолну къоюб, къысхасын барма.
Aдам боллукъ, сыфатындан белгили.
Игини сыйлагъан адетди.
Бозанг болмагъан джерге, къалагъынгы сукъма.
Билим насыб берир, билим джолну керир.
Тик ёргени, тик энгишгеси да болады.
Кютгени беш эчки, сызгъыргъаны уа, джерни джарады.
Ишин билген, аны сыйын чыгъарады.
Ётюрюк хапар аякъ тюбю бла джюрюйдю.
Гитче джилтин уллу элни джандырыр.
Термилгенинги табмазса, кюлгенинге тюберсе.
Кёб джашагъан – кёб билир.
Кеси юйюмде мен да ханма.
Окъугъан – асыу, окъумагъан – джарсыу.
Джетген къыз джерли эшекни танымаз.
Ана кёлю – балада, бала кёлю – талада.
Адам боллукъ, атламындан белгили болур.
Ётюрюкню башын керти кесер.
Байма, деб да, къууанма, джарлыма, деб да, джылама.
Джаралыны джастыгъында сау ёлюр.
Адеб базарда сатылмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Баш – акъыл ючюн, акъылман – халкъ ючюн.
Сакъ юйюне сау барыр.
Байлыкъ болгъан джерде, тынчлыкъ джокъду.
Джарашыу сюйген – джалынчакъ.
Эки ойлашыб, бир сёлешген.
Джаным-тиним – окъуу, билим.
Нёгерсизни джолу узун.
Гугук кесини атын айтыб къычыргъанча, мен, мен деб нек тураса?
Тынгылагъан тынгы бузар.
Окъугъанны бети джарыкъ.

Логин:
Пароль:
	Запомнить меня на этом компьютере

Забыли свой пароль?
Регистрация