- Аман эсирсе, юйюн ояр.
- Бетинги сатма, малынгы сат.
- Битмегеннге сакъал – танг.
- Кёбге таш атма.
- Нёгер болсанг, тенг бол, тенг болмасанг, кенг бол.
- Хунаны тюбюн къазсанг, юсюнге ауар.
- Арба аугъандан сора, джол кёргюзтюучю кёб болур.
- Аман киши кеси юйюнде – къонакъ.
- Нарт сёз къарт болмаз.
- Тойгъа алгъа да барма, тойда артха да къалма.
- Джан саулукъ бермей, сан саулукъ бермезсе.
- Эртде тургъан бла эртде юйленнген сокъуранмаз.
- Зар адам ашынгы ашар, кесинги сатар.
- Чакъырылмагъан къонакъ – орунсуз.
- Элиб деген, элге болушур.
- Айраннга суу къош, телиге джол бош.
- Баланы адам этген анады.
- Джаным-тиним – окъуу, билим.
- Тай асырагъан, атха минер.
- Иги адам абынса да, джангылмаз.
- Кюл тюбюндеги от кёрюнмейди.
- Къартны бурнун сюрт да, оноугъа тут.
- Сууда джау джокъ, кёб сёзде магъана джокъ.
- Ашлыкъны арба юйге келтирир, чана базаргъа элтир.
- Мухарны эси – ашарыкъда.
- Эл ауузу – элия.
- Кёзден кетген, кёлден да кетеди.
- Байлыкъ адамны сокъур этер.
- Адам сёзге тынгыла, акъыл сёзню ангыла.
- Аман адам элни бир-бирине джау этер.
- Ёзденликни джайгъан – джокълукъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Къуллукъчума, деб махтанма, къуллукъ – хаух джамчыды!
- Ёзденликни кёбю ётюрюк.
- Малны кют, джерни тюрт.
- Аууз сакълагъан – джан сакълар.
- Чомартны къолу берекет.
- Тили узунну, намысы – къысха.
- Джарлыны эшигин махтагъан джабар.
- Ашына кёре табагъы, балына кёре къалагъы.
- Адамны аты башхача, акъылы да башхады.
- Аманнга алтын чыдамаз.
- Аманны къуугъан, аманлыкъ табар.
- Ариу сёз – джаннга азыкъ, аман сёз – башха къазыкъ.
- Уллу сёлешме да, уллу къаб.
- Этим кетсе да, сюегим къалыр.
- Тели турса – той бузар.
- Джангызны оту джарыкъ джанмаз!
- Биреуге аманлыкъ этиб, кесинге игилик табмазса.
- Кеси юйюмде мен да ханма.
Профиль
|
|
|||