- Юйлю уругъа ит чабмаз.
- Нарт сёз къарт болмаз.
- Джангызны оту джарыкъ джанмаз!
- Тели турса – той бузар.
- Ётген ёмюр – акъгъан суу.
- Уясында не кёрсе, учханында аны этер.
- Къулакъдан эсе, кёзге ышан.
- Юре билмеген ит, къонакъ келтирир.
- Джогъун бар этген, барын бал этген.
- Мухар, кеси тойса да, кёзю тоймаз.
- Айран тёгюлсе, джугъусу къалыр.
- Кёб къычыргъандан – къоркъма, тынч олтургъандан – къоркъ.
- Къарыусузгъа кюлме, онгсузгъа тийме.
- Акъыл аздырмаз, билим тоздурмаз.
- Ачлыкъда тары гырджын халыуадан татлы.
- Кийим тукъум сордурур.
- Билимден уллу байлыкъ джокъду.
- Элге къуллукъ этмеген, элге ие болмаз.
- Джарлы тюеге минсе да, ит къабар.
- Къатыны харакетли болса, эри къымсыз болур.
- Адеб этмеген, адеб кёрмез.
- Аз сёлешген, къайгъысыз турур.
- Биреуню тёрюнден, кесинги эшик артынг игиди.
- Ач уят къоймаз.
- Окъ къызбайны джокълайды.
- Суу кетер, таш къалыр.
- Эринчекни аурууу – кёб.
- Адамны адамлыгъы къыйынлыкъда айгъакъланады.
- Азыкълы ат арымаз, къатыны аман джарымаз.
- Иесиз малны бёрю ашар.
- Къайтырыкъ эшигинги, къаты уруб чыкъма.
- Aдам боллукъ, сыфатындан белгили.
- Дуния мал дунияда къалады.
- Сыфатында болмагъаны, суратында болмаз.
- Джюз элде джюз ёгюзюм болгъандан эсе, джюз джууугъум болсун.
- Къонагъы джокъну – шоху джокъ.
- Аз айтсам, кёб ангылагъыз.
- Бал ашаргъа сюе эсенг, чибин ургъаннга тёз.
- Юй кюйдю да, кюйюз чыкъды, ортасындан тюйюш чыкъды.
- Тил – кесген бычакъ, сёз – атылгъан окъ.
- Окъуусуз билим – джокъ, билимсиз кюнюнг – джокъ.
- Уллу къашыкъ эрин джыртар.
- Душманны тышы – акъ, ичи – къара.
- Хар адамгъа кеси миннген тау кибик.
- Къонакъны къачан кетерин сорма, къачан келлигин сор.
- Бети – къучакълар, джюреги – бычакълар.
- Рысхы джалгъанды: келген да этер, кетген да этер.
- Артына баргъанны, къатына барма.
- Туз, гырджын аша, тюзлюк бла джаша.
- Келлик заман – къартлыкъ келтирир, кетген заман – джашлыкъ ёлтюрюр.
Профиль
|
neypreaknega
 Эльбрусоид
Баллов: 0
Регистрация: 21.01.2015
Последний визит: 22.01.2015 00:57:18
|
|
||||||||||
|
|
|
||||||||||