- Къайгъы тюбю – тенгиз.
- Ач да бол, токъ да бол – намысынга бек бол.
- Чакъырылмагъан джерге барма, чакъырылгъан джерден къалма.
- Джылар джаш, атасыны сакъалы бла ойнар.
- Эр сокъур болсун, къатын тилсиз болсун.
- Аманны эки битли тону болур, бирин сеннге кийдирир, бирин кеси киер.
- Мухарны эси – ашарыкъда.
- Билим ат болуб да чабар, къуш болуб да учар.
- Сакъ юйюне сау барыр.
- Къонакъ кёб келюучю юйню, къазаны отдан тюшмез.
- Эр абынмай, эл танымаз.
- Адамны джюреги нени кёрюрге сюйсе, кёзю да аны кёрюрге ёч болады.
- Киштикге къанат битсе, чыпчыкъ къалмаз эди.
- Айтхан – тынч, этген – къыйын.
- Эринчекни аурууу – кёб.
- Сибиртки да сыйлы болду, кюрек да кюнлю болду.
- Аджашхан тёгерек айланыр.
- Уясында не кёрсе, учханында аны этер.
- Телиге акъыл салгъандан эсе, ёлгеннге джан салырса.
- Бир онгсуз адам адет чыгъарды, деб эштирик тюлсе.
- Экеу тутушса, биреу джыгъылыр.
- Баланы адам этген анады.
- Ач уят къоймаз.
- Тай асырагъан, атха минер.
- Тойну къарнашы – харс, джырны къарнашы – эжиу.
- Уллу къазанда бишген эт, чий къалмаз.
- Айраннга суу къош, телиге джол бош.
- Юреннген ауруу къалмаз.
- Эки итни арасына сюек атма, эки адамны арасында сёз чыгъарма.
- Бетинги сатма, малынгы сат.
- Адамны аты башхача, акъылы да башхады.
- Бир абыннган – минг сюрюнюр.
- Эркишини аманы тиширыуну джылатыр.
- Ата джурт – алтын бешик.
- Атлыны кёрсе, джаяуну буту талыр.
- Кёзден кетген, кёлден да кетеди.
- Билимли ёлмез, билимсиз кёрмез.
- Насыб бютеу халкъны юлюшюдю.
- Ач – эснер, ат – кишнер.
- Нёгер болсанг, тенг бол, тенг болмасанг, кенг бол.
- Мураты болгъанны джюрек тебюую башхады.
- Чакъырылмагъан къонакъ – орунсуз.
- Къолу уллу – асыу, аягъы уллу – джарсыу.
- Аз айтсам, кёб ангылагъыз.
- Намысы джокъну – дуниясы джокъ.
- Ишлегенде эринме, ишде чолакъ кёрюнме.
- Ашхы адам – халкъ байлыгъы, ашхы джер – джашау байлыгъы.
- Къарын къуру болса, джюрек уру болур.
- Келинин тута билмеген, къул этер, къызын тута билмеген, тул этер.
- Алтыда кюлмеген, алтмышда кюлмез.
Профиль
|
|
|
|||