- Хоншуну тауугъу къаз кёрюнюр, келини къыз кёрюнюр.
- Джюрекге ариу – кёзге да ариу.
- Кийимни бир кюнню аясанг, минг кюннге джарар.
- Эл ауузу – элек, анга ийнаннган – халек.
- Миллетни бойну – базыкъ, аны бла кюрешген – джазыкъ.
- Эли джокъну – кёлю джокъ.
- Илму – джашауну джолу.
- Иги джашны ышаны – аз сёлешиб, кёб тынгылар.
- Ата Джуртун танымагъан, атасын да танымаз.
- Насыб бютеу халкъны юлюшюдю.
- Тура эдим джата, къайдан чыкъды хата?
- Суугъа – чабакъ, къаягъа – ыргъакъ.
- Халкъны джырын джырласанг, халкъ санга эжиу этер.
- Ач, тоймам, дейди, тойгъан, ач болмам, дейди.
- Къонагъынгы артмагъын алма да, алгъышын ал.
- Джыгъылгъанны сырты джерден тоймаз.
- Адам сёзге тынгыла, акъыл сёзню ангыла.
- Дууулдаса – бал чибин, къонса – къара чибин.
- Эр сокъур болсун, къатын тилсиз болсун.
- Бети бедерден, намыс сакълама.
- Ауругъаннга – кийик саулукъ, джетген къызгъа – чилле джаулукъ.
- Асхат ашлыкъ сата, юйдегиси ачдан къата.
- Къонакъ аман болса, къонакъбай джунчур
- Джетген къыз джерли эшекни танымаз.
- Хар сёзню орну барды.
- Душманны тышы – акъ, ичи – къара.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёзню ачылгъаны – иги, ауузну джабылгъаны – иги.
- Иесиз малны бёрю ашар.
- Олтуруб кёрюнмей эди да, ёрге туруб кёрюне эди.
- Дженгил джетерикме деб, узун джолну къоюб, къысхасын барма.
- Къарт айтханны этмеген, къартаймаз.
- Къарнынг бла ёч алма.
- Намыс сатылыб алынмайды.
- Къайгъы тюбю – тенгиз.
- Хунаны тюбюн къазсанг, юсюнге ауар.
- Терслик кетер, тюзлюк джетер.
- Телиге от эт десенг, юйюнге от салыр.
- Тешигини къатында, чычхан да батыр болур.
- Чыкълы кюнде чыкъмагъан, чыкъса къуру кирмеген.
- Къатын къылыкъсыз, эр тынчлыкъсыз.
- Суугъа – таянма, джаугъа – ийнанма.
- Таугъа чыгъаллыкъ эсенг, тюзде къалма.
- Айранны сюйген, ийнек тутар.
- Эринчекни эр алмаз, эр алса да, кёл салмаз, кёл салса да, кёб бармаз!
- Сакъалы текени да бар, мыйыгъы киштикни да бар.
- Юйюнгден чыкъдынг – кюнюнгден чыкъдынг.
- Нарт сёз къарт болмаз.
- Этни да ашады, бетни да ашады.
- Аллахха ийнаннган кишини, Аллах онгдурур ишин.
Профиль
|
tasoundperli
 Эльбрусоид
Баллов: 0
Регистрация: 14.01.2015
Последний визит: 15.01.2015 00:56:52
|
|
||||||||||
|
|
|
||||||||||