- Хансыз джомакъ болмаз.
- Гырджын – тепсини тамадасы.
- Ишленмеклик адамлыкъды.
- Эски джаугъа ышанма.
- Оюмсуз атлагъан, аджалсыз ёлюр.
- Мал кёб болса, джууукъ кёб болур.
- Арбаз сайлама да, хоншу сайла.
- Кюлме джашха – келир башха.
- Ариу сёз – джаннга азыкъ, аман сёз – башха къазыкъ.
- Эринчекни аурууу – кёб.
- Къарны аманнга къазан такъдырма, къолу аманнга от джакъдырма.
- Къонагъынгы артмагъын алма да, алгъышын ал.
- Къыз чыгъаргъан – къызыл къымжа.
- Кийим тукъум сордурур.
- Эртде тургъан бла эртде юйленнген сокъуранмаз.
- Бетинги сатма, малынгы сат.
- Аманнга игилик этсенг, юйюнге сау бармазса.
- Кёзюнде тереги болгъан, чёбю болгъаннга кюле эди.
- Ачылгъан эт джабылыр, кёрген кёз унутмаз.
- Къартха ушагъан джаш – акъыллы, джашха ушагъан къарт – тели.
- Нёгерсизни джолу узун.
- Джюрек кёзден алгъа кёрюр.
- Тели турса – той бузар.
- Бет бетге къараса, бет да джерге къарар.
- Джюрекге ариу – кёзге да ариу.
- Уруну арты – къуру.
- Хар зат кесини орнуна иги.
- Къарт бла баш аша, джаш бла аякъ аша.
- Окъ къызбайны джокълайды.
- Къозулугъунда тоймагъан, къойлугъунда тоймаз.
- Джюз элде джюз ёгюзюм болгъандан эсе, джюз джууугъум болсун.
- Иги адамны бир сёзю эки болмаз.
- Рысхы – сют юсюнде кёмюк кибикди.
- Бал – татлы, балдан да бала – татлы.
- Намысы джокъну – дуниясы джокъ.
- Ким бла джюрюсенг, аны кёзю бла кёрюнюрсе.
- Эки ойлашыб, бир сёлешген.
- Алтыда кюлмеген, алтмышда кюлмез.
- Джукъу тёшек сайламайды.
- Тилсиз миллет джокъ болур.
- Ат басханны джер билед.
- Айырылмаз джууугъунга, унутмаз сёзню айтма.
- Джуртун къоругъан озар.
- Кирсизни – саны таза, халалны – къаны таза.
- Эллинг бла джау болсанг да, юйюнг бла джау болма.
- Тиширыусуз юй – отсуз от джагъа.
- Чомарт къонакъ юй иесин сыйлар.
- Бёрю да ач къалмасын, эчки да ашалмасын.
- Кёзню ачылгъаны – иги, ауузну джабылгъаны – иги.
- Тамбла алтындан бюгюн багъыр ашхы.
Профиль
|
|
|
|||