- Къыйынлы джети элге оноу этер.
- Накъырда – кертини келечиси.
- Хар адамгъа кеси миннген тау кибик.
- Тойну къарнашы – харс, джырны къарнашы – эжиу.
- Ашда уялгъан – мухар, ишде уялгъан – хомух.
- Ишлегенде эринме, ишде чолакъ кёрюнме.
- Байлыкъ келсе, акъыл кетер.
- Бюгюн дуния кибик, тамбла ахыратды.
- Халкъны джырын джырласанг, халкъ санга эжиу этер.
- Тау башында, тау болмаз, джангыз терек, бау болмаз.
- Хансыз джомакъ болмаз.
- Аууз сакълагъан – джан сакълар.
- Алтыннга тот къонмаз.
- Чалманны аллы къалай башланса, арты да алай барады.
- Акъыл сабырлыкъ берир.
- Оюмсуз атлагъан, аджалсыз ёлюр.
- Къонакъ хазыр болгъанлыкъгъа, къонакъбай хазыр тюлдю.
- Бек анасы джыламаз.
- Окъугъанны бети джарыкъ.
- Аманны эки битли тону болур, бирин сеннге кийдирир, бирин кеси киер.
- Эл элде бирер малынг болгъандан эсе, бирер тенгинг болсун.
- Биреуню къыйынлыгъы бла кесинге джол ишлеме.
- Ач бёрюге мекям джокъ.
- Билимден уллу байлыкъ джокъду.
- Биреуге аманлыкъны тилеме да, кесинге ашхылыкъны тиле.
- Джолунга кёре – джюрюшюнг, джагъанга кёре – юлюшюнг.
- Ашын ашагъанынгы, башын да сыйла.
- Зар адамны насыбы болмаз.
- Сютню башын джалагъан къутулур, тюбюн ичген тутулур.
- Ким бла джюрюсенг, аны кёзю бла кёрюнюрсе.
- Къайгъы тюбю – тенгиз.
- Ётюрюкню къуйругъу – бир тутум.
- Эки къатын алгъан – эки ташны ортасына башын салгъан.
- Билеги кючлю, бирни джыгъар, билими кючлю, мингни джыгъар.
- Арбаз сайлама да, хоншу сайла.
- Биреу ашаб къутулур, биреу джалаб тутулур.
- Башы джабылгъан челекге, кир тюшмез.
- От этилмеген джерден тютюн чыкъмайды.
- Къонагъынгы артмагъын алма да, алгъышын ал.
- Тюзню ётмеги тюзде къалса да, тас болмаз.
- Аманны къуугъан, аманлыкъ табар.
- Тамырсыз терекге таянма – джыгъылырса.
- Битмегеннге сакъал – танг.
- Чакъырылмагъан къонакъ къачан кетерин сормаз.
- Асхат ашлыкъ сата, юйдегиси ачдан къата.
- Огъурлуну сёзю – суу, огъурсузну сёзю – уу.
- Атынг аманнга чыкъгъандан эсе, джанынг тамагъынгдан чыкъсын.
- Къарнынг тойгъунчу аша да, белинг талгъынчы ишле.
- Аллахха ийнаннган кишини, Аллах онгдурур ишин.
- Ачлыкъ отха секиртир.
Профиль
|
|
|||