- Биреу ашаб къутулур, биреу джалаб тутулур.
- Ишни ахырын ойламай, аллын башлама.
- Джаш болсун, къыз болсун, акъылы, саны тюз болсун.
- Къартны сыйын кёрмеген, къартлыгъында сыйлы болмаз.
- Намысы болмагъанны, сыйы болмаз.
- Тойну къарнашы – харс, джырны къарнашы – эжиу.
- Чакъырылгъанны аты, чакъырылмагъанны багъасы болур.
- Сёз сёзню айтдырыр.
- Ариу сёз – къылычдан джити.
- Тенгинг джокъ эсе – изле, бар эсе – сакъла!
- Мухарны эси – ашарыкъда.
- Чыбыкълыкъда бюгюлмеген, къазыкълыкъда бюгюлмей эди.
- Бал ашаргъа сюе эсенг, чибин ургъаннга тёз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къонакъ аман болса, къонакъбай джунчур
- Тилчи бир сагъатха айлыкъ хата этер.
- Ашда – бёрю, ишде – ёлю.
- Экеу тутушса, биреу джыгъылыр.
- Экиндини кеч къылсанг, чабыб джетер ашхам.
- Агъач халкъгъа алтынды, иссиликге салкъынды.
- Тенгни тенглиги джашай барсанг билинир.
- Сёлеш деб шай берген, тохта деб, сом берген.
- Къыйынлы джети элге оноу этер.
- Окъугъан озар, окъумагъан тозар.
- Къарнынг бла ёч алма.
- Бозаны арты дауур болур.
- Эртде тургъан бла эртде юйленнген сокъуранмаз.
- Ариу сёз аурууунгу алыр.
- Джюрекге ариу – кёзге да ариу.
- Хунаны тюбюн къазсанг, юсюнге ауар.
- Юйюнгден чыкъдынг – кюнюнгден чыкъдынг.
- Аджал соруб келмез, келсе, къайтыб кетмез.
- Чакъырылмагъан джерге барма, чакъырылгъан джерден къалма.
- Эркишиге тары кебек танг кёрюнюр.
- Эркиши – от, тиширыу – суу.
- Ата Джуртун танымагъан, атасын да танымаз.
- Кечеси – аяз, кюню – къыш, джарлы къаргъагъа бир аш тюш!
- Къралынгы – душмандан, башынгы от бла суудан сакъла.
- Ана къолу ачытмаз.
- Къазанны башы ачыкъ болса, итге уят керекди.
- Джумушакъ сёз къаты таякъны сындырыр.
- Шайтан алдады, тюзлюк къаргъады.
- Джаным-тиним – окъуу, билим.
- Къозулугъунда тоймагъан, къойлугъунда тоймаз.
- Айтханы чапыракъдан ётмеген.
- Таш бла ургъанны, аш бла ур.
- Ауузу аманнга «иги», деме.
- Джарлыны тону джаз битер.
- Ышармагъан – кюлмез, кюлмеген – къууанчны билмез.
- Эки ойлашыб, бир сёлешген.
Профиль
|
|
|||