- Джыйырма къойну юч джыйырма эбзе кюте эди.
- Асхат ашлыкъ сата, юйдегиси ачдан къата.
- Кюн кёрмеген, кюн кёрсе, кюндюз чыракъ джандырыр.
- Акъыллы эркиши атын махтар, акъылсыз эркиши къатынын махтар.
- Хар адамгъа кеси миннген тау кибик.
- Арба аугъандан сора, джол кёргюзтюучю кёб болур.
- Къаллай салам берсенг, аллай джууаб алырса.
- Шекер бла туз – бир болмаз, ушамагъан – юй болмаз.
- Баланы адам этген анады.
- Ашыкъгъан cуу, тенгизге джетмез.
- Ойнай-ойнай кёз чыгъар.
- Эл ауузу – элия.
- Ёпкелегенни ашы татлы болады.
- Алтыннга тот къонмаз.
- Хар ишни да аллы къыйынды.
- Хунаны тюбюн къазсанг, юсюнге ауар.
- Ургъан суудан башынгы сакъла.
- Ачыкъ джюрекге джол – ачыкъ.
- Мадар болса, къадар болур.
- Гугурук къычырмаса да, тангны атары къалмаз.
- Ауругъан – джашаудан умутчу.
- Ашлыкъ – бюртюкден, джюн – тюкден.
- Эркишини аманы тиширыуну джылатыр.
- Тойгъа алгъа да барма, тойда артха да къалма.
- Билимден уллу байлыкъ джокъду.
- Тамбла алтындан бюгюн багъыр ашхы.
- Уллу сёлешме да, уллу къаб.
- Гырджын – тепсини тамадасы.
- Ашхы сёз таш тешер.
- Экеулен сёлеше тура эселе, орталарына барыб кирме.
- Къралынгы – душмандан, башынгы от бла суудан сакъла.
- Окъугъан озар, окъумагъан тозар.
- Ашарыкъда сайлагъаннга – чий гырджын.
- Келлик заман – къартлыкъ келтирир, кетген заман – джашлыкъ ёлтюрюр.
- Уллу къазанда бишген эт, чий къалмаз.
- Къарт бла баш аша, джаш бла аякъ аша.
- Къуллукъчума, деб махтанма, къуллукъ – хаух джамчыды!
- Айтылгъан буйрукъ, сёгюлмез
- Ишин билген, аны сыйын чыгъарады.
- Эте билген, этген этеди, эте билмеген, юретген этеди!
- Ойнай билмеген, уруб къачар.
- Ата Джуртча джер болмаз, туугъан элча эл болмаз.
- Чыбыкълыкъда бюгюлмеген, къазыкълыкъда бюгюлмей эди.
- Аман къатын алгъан, арыр, иги къатын алгъан джарыр.
- Сескекли кесин билдирир.
- Къарнынг къанлынга кийирир.
- Билими азны – ауузунда кирит.
- Айран тёгюлсе, джугъусу къалыр.
- Чыкълы кюнде чыкъмагъан, чыкъса къуру кирмеген.
- Чоюнну башы ачыкъ болса, итге уят керекди.
Профиль
|
|
|||