- Этни бети бла шорпасы.
- Сютден ауузу кюйген, суугъа юфгюре эди.
- Билим – акъылны чырагъы.
- Мухар, кеси тойса да, кёзю тоймаз.
- Тели турса – той бузар.
- Аман къатын сабий табса, бий болур…
- Ойнай билмеген, уруб къачар.
- Ата Джуртуму башы болмасам да, босагъасында ташы болайым.
- Акъыл аздырмаз, билим тоздурмаз.
- Тойгъан антын унутур.
- Айтылгъан сёз ызына къайтмаз.
- Чомарт къонакъ юй иесин сыйлар.
- Чалманны аллы къалай башланса, арты да алай барады.
- Чакъырылмагъан къонакъ – орунсуз.
- Айранны сюйген, ийнек тутар.
- Биреуге аманлыкъ этиб, кесинге игилик табмазса.
- Джети тилни билген джети кишиди.
- Адеби болмагъан къыз – тузсуз хант.
- Суу да къайтады чыкъгъан джерине.
- Тёзген – тёш ашар!
- Аякъларынгы джууургъанынга кёре узат.
- Таукел къуру къалмаз.
- Ойнаб айтсанг да, эслеб айт.
- Ариу сёзде ауруу джокъ.
- Хатерли къул болур.
- Ач да бол, токъ да бол – намысынга бек бол.
- Аджашхан тёгерек айланыр.
- Танг атмайма десе да, кюн къоярыкъ тюйюлдю.
- Къонакъ хазыр болгъанлыкъгъа, къонакъбай хазыр тюлдю.
- Ашхы тенг джолгъа салыр, аман тенг джолдан тайдырыр.
- Кенгеш болса, уруш болмаз.
- Ашхылыкъ джерде джатмайды, аманлыкъ суугъа батмайды.
- Къонакъны къачан кетерин сорма, къачан келлигин сор.
- Чомартны къолун джокълукъ байлар.
- Джеринден айырылгъан – джети джылар, джуртундан айырылгъан – ёлгюнчю джылар.
- Кимни – тили, тиши онглу, кимни – къолу, иши онглу.
- Бюгюн дуния кибик, тамбла ахыратды.
- Къонакъ кёб келюучю юйню, къазаны отдан тюшмез.
- Сормай – алма, чакъырылмай – барма.
- Кёб джат да, бек чаб.
- Эркиши – от, тиширыу – суу.
- Ариу сёз – къылычдан джити.
- Эрни эр этерик да, къара джер этерик да, тиширыуду.
- Къобан да къуру да къобханлай турмайды, адам да къуру да патчахлай турмайды.
- Ёзденликни джайгъан – джокълукъ.
- Аджашханны ызындагъы кёреди, джангылгъанны джанындагъы биледи.
- Ачлыкъ отха секиртир.
- Соргъан айыб тюлдю, билмеген айыбды.
- Кийимни бичсенг, кенг бич, тар этген къыйын тюлдю.
- Билими азны – ауузунда кирит.
Профиль
|
|
|
|||