- Къарнынг тойгъунчу аша да, белинг талгъынчы ишле.
- Кенгеш болса, уруш болмаз.
- Мураты болгъанны джюрек тебюую башхады.
- Къыз келсе, джумуш эте келеди, къатын келсе, ушакъ эте келеди.
- Ач да бол, токъ да бол – намысынга бек бол.
- Тик ёргени, тик энгишгеси да болады.
- Ишни ахырын ойламай, аллын башлама.
- Тыш элде солтан болгъандан эсе, кесинги элде олтан болгъан игиди!
- Ёгюзню мюйюзюнден тутадыла, адамны сёзюнден тутадыла.
- Тамбла алтындан бюгюн багъыр ашхы.
- Аман къатын сабий табса, бий болур…
- Чакъырылмагъан къонакъ – орунсуз.
- Хазыр ашха – терен къашыкъ.
- Ашхы тенг джолгъа салыр, аман тенг джолдан тайдырыр.
- Айранын берсенг, челегин да къызгъанма.
- Биреуге кёлтюрген таягъынг, кесинги башынга урур.
- Сакъламагъан затынга джолукъсанг, не бек къууанаса, не бек ачыйса.
- Бир абыннган – минг сюрюнюр.
- Бал – татлы, балдан да бала – татлы.
- Аманны къуугъан, аманлыкъ табар.
- Ёлюр джаннга, ёкюл джокъ.
- Гугурук къычырмаса да, тангны атары къалмаз.
- Ётюрюкню къуйругъу – бир тутум.
- Тёгюлген тюгел джыйылмайды.
- Ашын ашагъанынгы, башын да сыйла.
- Ариу сёзде ауруу джокъ.
- Хар адамгъа кеси миннген тау кибик.
- Сёлеш деб шай берген, тохта деб, сом берген.
- Тёзген – тёш ашар!
- Акъыл аздырмаз, билим тоздурмаз.
- Джаш къарыу бла кючлю, къарт акъыл бла кючлю.
- Кюл тюбюндеги от кёрюнмейди.
- Акъыл сабырлыкъ берир.
- Кёрмегеннге кебек – танг, битмегеннге сакъал – танг.
- Ашхы атаны – джашы ашхы, ашхы ананы – къызы ашхы.
- Адеби болмагъан къыз – тузсуз хант.
- Телини эшигин, махтау джабар.
- Билмегенинги, билгеннге сор.
- Окъуу – билимни ачхычы, окъуу – дунияны бачхычы.
- Кесинг сынамагъан затны, адамгъа буюрма.
- Иги адам абынса да, джангылмаз.
- Джашлыкъ этмеген, башлыкъ этмез.
- Ашха уста, юйюнде болсун
- Ишлегенде эринме, ишде чолакъ кёрюнме.
- Кюлме джашха – келир башха.
- Хантына кёре тузу, юйюне кёре къызы.
- Джигер – джаннга къыйынлыкъ.
- Кёзден кетген, кёлден да кетеди.
- Аманнга алтын чыдамаз.
- Ариу сёз – джаннга азыкъ, аман сёз – башха къазыкъ.
Профиль
|
||||