Войти на сайт
28 Марта  2024 года

 

  • Бети къызарыучу адамны, джюреги харам болмаз.
  • Ишлерге уял да, ашаргъа табма.
  • Эл тойса, тоймагъан, эл къойса, къоймагъан.
  • Адебни адебсизден юрен.
  • Адеби болмагъан къыз – тузсуз хант.
  • Сёз садакъдан кючлюдю.
  • Кёб къычыргъандан – къоркъма, тынч олтургъандан – къоркъ.
  • Ачлыкъда тары гырджын халыуадан татлы.
  • Адамны адамлыгъы къыйынлыкъда айгъакъланады.
  • Адеб этмеген, адеб кёрмез.
  • Джашлыкъ этмеген, башлыкъ этмез.
  • Ашхы – джыяр, аман – джояр.
  • Къатын къылыкъсыз, эр тынчлыкъсыз.
  • Чакъырылгъанны аты, чакъырылмагъанны багъасы болур.
  • Адебсиз адам – джюгенсиз ат.
  • Тойну къарнашы – харс, джырны къарнашы – эжиу.
  • Джуртун къоругъан озар.
  • Къарнынг тойгъунчу аша да, белинг талгъынчы ишле.
  • Къар – келтирди, суу – элтди.
  • Билим – акъылны чырагъы.
  • Тешигини къатында, чычхан да батыр болур.
  • Тойчу джашха къарама, къойчу джашха къара.
  • Ёксюзню къалачы уллу кёрюнюр.
  • Тенгни тенглиги джашай барсанг билинир.
  • Акъыллы айтыр эди, акъылсыз къоймайды.
  • Джарлыны тону джаз битер.
  • Этни бети бла шорпасы.
  • Телиге акъыл салгъандан эсе, ёлгеннге джан салырса.
  • Ана къойну – балагъа джандет.
  • Агъач – джерни чырайы, кийим – эрни чырайы.
  • Ач отунчуну ачыуу – бурнунда.
  • Сагъыш – къартлыкъгъа сюйюмчю.
  • Таш бла ургъанны, аш бла ур.
  • Насыб бютеу халкъны юлюшюдю.
  • Керек ташны ауурлугъу джокъ.
  • Иги болса, тамадама – махтау, аман болса, меннге – айыб.
  • Джерни букъусу кёкге къонмаз.
  • Ачыу алгъа келсе, акъыл артха къалады.
  • Терслик кетер, тюзлюк джетер.
  • Мухарны эси – ашарыкъда.
  • Джогъун бар этген, барын бал этген.
  • Уллу къашыкъ эрин джыртар.
  • Джюрек кёзден алгъа кёрюр.
  • Айранын берсенг, челегин да къызгъанма.
  • Бек ашыкъгъан меннге джетсин, дегенди аракъы.
  • Алма терегинден кери кетмез.
  • Къарын къуру болса, джюрек уру болур.
  • Ашхы адам – халкъ байлыгъы, ашхы джер – джашау байлыгъы.
  • Туз, гырджын аша, тюзлюк бла джаша.
  • Аджал соруб келмез, келсе, къайтыб кетмез.

 

Профиль
Личные данные
Дата рождения: 19.11.1991
Пол: Мужской

 

Написать нам