Эльбрусоид :: Форум

Джыланны къуйругъундан басарынг келсе, аны башы болгъанын унутма.
Урама да – ёледи, сатама да – келеди.
Ишин билген, аны сыйын чыгъарады.
Ата Джуртун танымагъан, атасын да танымаз.
Тилчи тилден къаныкъмаз.
Ёлюк кебинсиз къалмаз.
Кимни – тили, тиши онглу, кимни – къолу, иши онглу.
Окъумагъан сокъурду, сокъур ташха абыныр!
Ариу сёзде ауруу джокъ.
Джогъун бар этген, барын бал этген.
Аууздан келген, къолдан келсе, ким да патчах болур эди.
Сакъламагъан затынга джолукъсанг, не бек къууанаса, не бек ачыйса.
Тюз сёз баргъан сууну тыяр.
Ана къолу ачытмаз.
Адам къыйынлыгъын кёлтюрюр, зауукълугъун кёлтюрмез.
Къонакъ хазыр болгъанлыкъгъа, къонакъбай хазыр тюлдю.
Экеулен сёлеше тура эселе, орталарына барыб кирме.
Элни кючю – эмеген.
Къонакъ аман болса, къонакъбай джунчур
Уллу суу бла уллу ауруудан башынгы сакъла.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ёзденликни кёбю ётюрюк.
Чакъырылмагъан къонакъ – орунсуз.
Берекет берсин деген джерде, берекет болур.
Ёмюрлюк шохлукъну джел элтмез.
Къыйынлы джети элге оноу этер.
Джети тилни билген джети кишиди.
«Ма», - дегенни билмесенг, «бер», - дегенни билмезсе.
Окъдан джара эртде-кеч болса да бителир, сёз джара, ёмюрге къалыр.
Аш иеси бла татлыды.
Акъыллы – эл иеси, тели – эл баласы.
Джашда акъыл джокъ, къартда къарыу джокъ.
Хазыр ашха – терен къашыкъ.
Дууулдаса – бал чибин, къонса – къара чибин.
Хар ишни да аллы къыйынды.
Эркиши – от, тиширыу – суу.
Ашын ашагъанынгы, башын да сыйла.
Байлыкъ тауусулур, билим тауусулмаз.
Ат басханны джер билед.
Ачыкъ джюрекге джол – ачыкъ.
Сескекли кесин билдирир.
Итли къонакъ джарашмаз.
Уллу сёлешме да, уллу къаб.
Кюн кёрмеген, кюн кёрсе, кюндюз чыракъ джандырыр.
Ач къалгъандан, кеч къалгъан къолай.
Эм уллу байлыкъ – джан саулукъ.
Сёз къанатсыз учар.
Айтылгъан сёз ызына къайтмаз.
Джуртун къоругъан озар.
Ашлыкъ – бюртюкден, джюн – тюкден.

Логин:
Пароль:
	Запомнить меня на этом компьютере

Забыли свой пароль?
Регистрация