- Кийиминг бла танылма, адамлыкъ бла таныл.
- Къонагъынгы артмагъын алма да, алгъышын ал.
- Джангыз терек къынгыр ёсер.
- Тюкюрюк баш джармаз, налат кёз чыгъармаз!
- Ёлюр джаннга, ёкюл джокъ.
- Этим кетсе да, сюегим къалыр.
- Тюзню ётмеги тюзде къалса да, тас болмаз.
- Тенгинг джокъ эсе – изле, бар эсе – сакъла!
- Тойну къарнашы – харс, джырны къарнашы – эжиу.
- Хатерли къул болур.
- Эли джокъну – кёлю джокъ.
- Дуния малгъа сатылма, кесингден телиге къатылма.
- Аш хазыр болса, иш харам болур.
- Айран тёгюлсе, джугъусу къалыр.
- Керти сёзге тёре джокъ.
- Чабакъгъа акъыл, табагъа тюшсе келеди.
- Ашлыкъ – бюртюкден, джюн – тюкден.
- Этек чакъмакълары баш джаргъан, сёлешген сёзлери таш джаргъан.
- Биреуню къыйынлыгъы бла кесинге джол ишлеме.
- Кирсизни – саны таза, халалны – къаны таза.
- Таугъа чыгъаллыкъ эсенг, тюзде къалма.
- Чакъырылмагъан къонакъ къачан кетерин сормаз.
- Кёкдеги болмаса, джердегин кёрмейди.
- Бастасын ашагъан, хантусун да ичер.
- Экиндини кеч къылсанг, чабыб джетер ашхам.
- Ата – баланы уясы.
- Адам къаллай бир ишленмесе, аллай бир кесин уллу кёреди.
- Мал кёб болса, джууукъ кёб болур.
- Къазанны башы ачыкъ болса, итге уят керекди.
- Билимден уллу байлыкъ джокъду.
- Билген билмегенни юретген адетди.
- Ашхы – джыяр, аман – джояр.
- «Ёгюз, джаргъа джууукъ барма, меннге джюк боллукъса», - дегенди эшек.
- Иши джокъну, сыйы джокъ.
- Джыланны къуйругъундан басарынг келсе, аны башы болгъанын унутма.
- Айраннга суу къош, телиге джол бош.
- Ёгюзню мюйюзлери ауурлукъ этмейдиле.
- Аз сёлеш, кёб ишле.
- Татлы сёз – балдан татлы.
- Чомартны къолу берекет.
- Биреуню тёрюнден, кесинги эшик артынг игиди.
- Чоюнну башы ачыкъ болса, итге уят керекди.
- Гырджын – тепсини тамадасы.
- Душманны тышы – акъ, ичи – къара.
- Адам сёзге тынгыла, акъыл сёзню ангыла.
- Накъырда – кертини келечиси.
- Кюн кёрмеген, кюн кёрсе, кюндюз чыракъ джандырыр.
- Онгсузну – джакъла, тенгликни – сакъла.
- Джукъу тёшек сайламайды.
- Ким бла джюрюсенг, аны кёзю бла кёрюнюрсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72