- «Ма», - дегенни билмесенг, «бер», - дегенни билмезсе.
- Ана къолу ачытмаз.
- Джюрекден джюрекге джол барды.
- Таукел адам тау тешер.
- Ауругъан – джашаудан умутчу.
- Башда акъыл болмаса, эки аякъгъа кюч джетер.
- Ёгюзню мюйюзюнден тутадыла, адамны сёзюнден тутадыла.
- Бети – къучакълар, джюреги – бычакълар.
- Бастасын ашагъан, хантусун да ичер.
- Билим къая тешер.
- Аллахдан тилесенг, кёб тиле.
- Чабакъгъа акъыл, табагъа тюшсе келеди.
- Ишленмеклик адамлыкъды.
- Чалманны аллы къалай башланса, арты да алай барады.
- Телиге акъыл салгъандан эсе, ёлгеннге джан салырса.
- Тау башында, тау болмаз, джангыз терек, бау болмаз.
- Кюн кёрмеген, кюн кёрсе, кюндюз чыракъ джандырыр.
- Баргъанынга кёре болур келгенинг.
- Адебни адебсизден юрен.
- Уясында не кёрсе, учханында аны этер.
- Къыз чыгъаргъан – къызыл къымжа.
- Эки къатын алгъанны къулагъы тынгнгаймаз.
- Азыгъы аз, алгъа къабар, аты аман, алгъа чабар.
- Къыз тиширыу кеси юйюнде да къонакъды.
- Джангызны оту джарыкъ джанмаз!
- Чомартны къолу берекет.
- Чомартны къолун джокълукъ байлар.
- Юре билмеген ит, къонакъ келтирир.
- Къыйынлы джети элни къайгъысын этер.
- Къулакъдан эсе, кёзге ышан.
- Тойгъандан сора, ашны сёкме.
- Баланы адам этген анады.
- Тынгылагъан тынгы бузар.
- Айныгъанлы алты кюн, тогъайгъанлы тогъуз кюн.
- Соргъан айыб тюлдю, билмеген айыбды.
- Къралынгы – душмандан, башынгы от бла суудан сакъла.
- Биреуге аманлыкъны тилеме да, кесинге ашхылыкъны тиле.
- Акъыл бла адеб эгизледиле.
- Ёлген ийнек сютлю болур.
- Мал тутхан – май джалар.
- Байны оноуу, джарлыгъа джарамаз.
- Чоюнну башы ачыкъ болса, итге уят керекди.
- Ишлегенде эринме, ишде чолакъ кёрюнме.
- Чомарт къонакъ юй иесин сыйлар.
- Къыз келсе, джумуш эте келеди, къатын келсе, ушакъ эте келеди.
- Джырчы джырчыгъа – къарнаш.
- Къая джолда джортма, ачыкъ сёзден къоркъма.
- Къызбайны юйюне дери сюрсенг, батыр болур.
- Аманны къуугъан, аманлыкъ табар.
- Тели турса – той бузар.
Профиль
|
|
|
|||