Эльбрусоид :: Форум

Байны оноуу, джарлыгъа джарамаз.
Алгъанда – джууукъ, бергенде – джау.
Сагъышы джокъ – джукъучу, акъылы джокъ – къаугъачы.
Къууут – джелге, берне – бошха.
Аманны эки битли тону болур, бирин сеннге кийдирир, бирин кеси киер.
Кечеси – аяз, кюню – къыш, джарлы къаргъагъа бир аш тюш!
Ёнгкюч къууана барыр, джылай келир.
Къралынгы – душмандан, башынгы от бла суудан сакъла.
Къонакъ аз олтурур, кёб сынар.
Джарашыу сюйген – джалынчакъ.
Туз, гырджын аша, тюзлюк бла джаша.
Ишлегенде эринме, ишде чолакъ кёрюнме.
Билим – акъылны чырагъы.
Тин – байлыгъынг, терен саулугъунг.
Акъдан къара болмаз.
Тёзген – тёш ашар!
Керти сёзге тёре джокъ.
Джырчы джырчыгъа – къарнаш.
Эрине къаргъыш этген къатын, эрнин къабар.
Къыз келсе, джумуш эте келеди, къатын келсе, ушакъ эте келеди.
Биреуге кёлтюрген таягъынг, кесинги башынга урур.
Ханы къызы буюгъа-буюгъа киштик болду.
Иги джашны ышаны – аз сёлешиб, кёб тынгылар.
Мен да «сен», дейме, сен да «кесим», дейсе.
Халкъны юйю – туугъан джери.
Нёгерсизни джолу узун.
Эм уллу байлыкъ – джан саулукъ.
Баш болса, бёрк табылыр.
Джумушакъ терекни къурт ашар.
Джаралыны джастыгъында сау ёлюр.
Артына баргъанны, къатына барма.
Эринчекни эр алмаз, эр алса да, кёл салмаз, кёл салса да, кёб бармаз!
Чомартны къолун джокълукъ байлар.
Тойгъанлыкъ къойгъа джарашады.
Сёлеш деб шай берген, тохта деб, сом берген.
Кёбден умут этиб, аздан къуру къалма.
Ачылгъан эт джабылыр, кёрген кёз унутмаз.
Накъырда – кертини келечиси.
Эркиши – от, тиширыу – суу.
Билгенни къолу къарны джандырыр.
Мал ёлсе, сюек къалыр, адам ёлсе, иши къалыр.
Къошда джокъгъа – юлюш джокъ.
Телини эшигин, махтау джабар.
Тынгылагъан тынгы бузар.
Джаным-тиним – окъуу, билим.
Элде адам къалмаса, ит тахтагъа минер.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Кёб ант этген, кёб ётюрюк айтыр.
Ашыкъгъан cуу, тенгизге джетмез.
Ач келгенни – тойдур, кеч келгенни – къондур.

Логин:
Пароль:
	Запомнить меня на этом компьютере

Забыли свой пароль?
Регистрация