- Къонагъы джокъну – шоху джокъ.
- Бети – къучакълар, джюреги – бычакълар.
- Азыкъ аз болса, эртде орун сал.
- Урама да – ёледи, сатама да – келеди.
- Джыйырма къойну юч джыйырма эбзе кюте эди.
- Экеу тутушса, биреу джыгъылыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Джан саулукъ бермей, сан саулукъ бермезсе.
- Байлыкъ келсе, акъыл кетер.
- Болджал ишни бёрю ашар.
- Ачыу алгъа келсе, акъыл артха къалады.
- Къыйынлы джети элни къайгъысын этер.
- Хантына кёре тузу, юйюне кёре къызы.
- Эли джокъну – кёлю джокъ.
- Адам боллукъ, атламындан белгили болур.
- Чалманны аллы къалай башланса, арты да алай барады.
- Билим – акъылны чырагъы.
- Тулпарлыкъ, билекден тюл – джюрекден.
- Хар адамгъа кеси миннген тау кибик.
- Чакъырылмагъан къонакъ къачан кетерин сормаз.
- Башда акъыл болмаса, эки аякъгъа кюч джетер.
- Бети бедерден, намыс сакълама.
- Къобан да къуру да къобханлай турмайды, адам да къуру да патчахлай турмайды.
- Адамны сабийин сюйген джюреги, бычакъча, джитиди.
- Намысы болмагъанны, сыйы болмаз.
- Джаш болсун, къыз болсун, акъылы, саны тюз болсун.
- Адамны сыфатына къарама, сёзюне къара.
- Ат басханны джер билед.
- Тюкюрюк баш джармаз, налат кёз чыгъармаз!
- Тили узунну, намысы – къысха.
- Эм ашхы къайын ана мамукъ бла башынгы тешер.
- Сескекли кесин билдирир.
- Айныгъанлы алты кюн, тогъайгъанлы тогъуз кюн.
- Юре билмеген ит, къонакъ келтирир.
- Тёрдеги кюлсе, эшикдеги ышарыр.
- Джарлыны эшигин махтагъан джабар.
- Джеринден айырылгъан – джети джылар, джуртундан айырылгъан – ёлгюнчю джылар.
- Ётген ёмюр – акъгъан суу.
- Чакъырылмагъан джерге барма, чакъырылгъан джерден къалма.
- Уллу сёлешме да, уллу къаб.
- Чыкълы кюнде чыкъмагъан, чыкъса къуру кирмеген.
- Аш кетер да бет къалыр.
- Ётюрюкден тюбю джокъ, кёлтюрюрге джиби джокъ.
- Кёзюнде тереги болгъан, чёбю болгъаннга кюле эди.
- Ашхы адам – халкъ байлыгъы, ашхы джер – джашау байлыгъы.
- Ёксюзню къалачы уллу кёрюнюр.
- Эркиши – от, тиширыу – суу.
- Хата – гитчеден.
- Адеб базарда сатылмаз.
- Къаллай салам берсенг, аллай джууаб алырса.
Профиль
|
|
|
|||