- Баш болса, бёрк табылыр.
- Ачыу алгъа келсе, акъыл артха къалады.
- Эл ауузу – элия.
- Джарлы эскисин джамаса, къууаныр.
- Эринчекге кюн узун.
- Чакъырылмагъан къонакъ къачан кетерин сормаз.
- Къулакъдан эсе, кёзге ышан.
- Рысхы джалгъанды: келген да этер, кетген да этер.
- Элге къуллукъ этмеген, элге ие болмаз.
- Биреу ашаб къутулур, биреу джалаб тутулур.
- Ата джурт – алтын бешик.
- Ата Джуртуму башы болмасам да, босагъасында ташы болайым.
- Аш хазыр болса, иш харам болур.
- Къонакъны къачан кетерин сорма, къачан келлигин сор.
- Эр сокъур болсун, къатын тилсиз болсун.
- Джарашыу сюйген – джалынчакъ.
- Ата – билек, ана – джюрек!
- Сагъышы джокъ – джукъучу, акъылы джокъ – къаугъачы.
- Алтыда кюлмеген, алтмышда кюлмез.
- Нарт сёз къарт болмаз.
- Ёпкелегенни ашы татлы болады.
- Сескекли кесин билдирир.
- Тёрени джагъы джокъ.
- Ата – баланы уясы.
- Алма терегинден кери кетмез.
- Къонакъ аз олтурур, кёб сынар.
- Алтыннга тот къонмаз.
- Тюкюрюк баш джармаз, налат кёз чыгъармаз!
- Ата Джуртун танымагъан, атасын да танымаз.
- Уруну арты – къуру.
- Ашхы адам – халкъ байлыгъы, ашхы джер – джашау байлыгъы.
- «Ёгюз, джаргъа джууукъ барма, меннге джюк боллукъса», - дегенди эшек.
- Битмегеннге сакъал – танг.
- Бал – татлы, балдан да бала – татлы.
- Къызын тута билмеген, тул этер, джашын тута билмеген, къул этер.
- Ашыкъгъанны этеги бутуна чырмалыр.
- Уллу айтханны этмеген – уллаймаз.
- Сабыр джетер муратха, сабырсыз къалыр уятха.
- Бермеген къол, алмайды.
- Тин – байлыгъынг, терен саулугъунг.
- Къалгъан ишге къар джауар.
- Эри аманны, къатыны – аман.
- Байдан умут эте, джарлыдан ёгюз багъасы къорады.
- Джангыз торгъай джырламаз.
- Къуру гыбыт бек дыгъырдар.
- Ётюрюкню къуйругъу – бир тутум.
- Чарсда алчыны эл кёреди.
- Ауругъаннга – кийик саулукъ, джетген къызгъа – чилле джаулукъ.
- Оюмсуз атлагъан, аджалсыз ёлюр.
- Ауузу бла къуш тута айланады.
Профиль
|
|
|||