- Джангыз торгъай джырламаз.
- Чабакъгъа акъыл, табагъа тюшсе келеди.
- Керек ташны ауурлугъу джокъ.
- Берекет берсин деген джерде, берекет болур.
- Игиге айтсанг – билир, аманнга айтсанг – кюлюр.
- Айтхан – тынч, этген – къыйын.
- Джангыз терек къынгыр ёсер.
- Къатын байлыкъны сюер, эр саулукъну сюер.
- Биреу ашаб къутулур, биреу джалаб тутулур.
- Ашхылыкъ джерде джатмайды, аманлыкъ суугъа батмайды.
- Джерни букъусу кёкге къонмаз.
- Чомарт къонакъ юй иесин сыйлар.
- Чарсда алчыны эл кёреди.
- Адам къаллай бир ишленмесе, аллай бир кесин уллу кёреди.
- Джарлы джети элни сёзюн этер.
- Тюз сёз баргъан сууну тыяр.
- Иги адамны бир сёзю эки болмаз.
- Сакъалы текени да бар, мыйыгъы киштикни да бар.
- Зарда марда джокъ.
- Аман хансны – урлугъу кёб.
- Эркиши – от, тиширыу – суу.
- Къарнынг ауруса, ауузунгу тый
- Биреуге аманлыкъны тилеме да, кесинге ашхылыкъны тиле.
- Тенги кёбню джау алмаз, акъылы кёбню дау алмаз.
- Аман адам элни бир-бирине джау этер.
- Ата – билек, ана – джюрек!
- Аман къатын алгъан, арыр, иги къатын алгъан джарыр.
- Къонакъ аз олтурур, кёб сынар.
- Таш бла ургъанны, аш бла ур.
- Туз, гырджын аша, тюзлюк бла джаша.
- Ачны эсинде – аш.
- Бозанг болмагъан джерге, къалагъынгы сукъма.
- Мухарны эси – ашарыкъда.
- Окъугъан озар, окъумагъан тозар.
- Кёл – къызбай, къол – батыр.
- Ойнай билмеген, оюн бузар.
- Хунаны тюбюн къазсанг, юсюнге ауар.
- Тилсиз миллет джокъ болур.
- Юреннген ауруу къалмаз.
- Чомартха хар кюн да байрамды.
- Джолунга кёре – джюрюшюнг, джагъанга кёре – юлюшюнг.
- Иги адам абынса да, джангылмаз.
- Эте билген, этген этеди, эте билмеген, юретген этеди!
- Намысы болмагъанны, сыйы болмаз.
- Этек чакъмакълары баш джаргъан, сёлешген сёзлери таш джаргъан.
- Суу кетер, таш къалыр.
- Эки итни арасына сюек атма, эки адамны арасында сёз чыгъарма.
- Шекер бла туз – бир болмаз, ушамагъан – юй болмаз.
- Ёлюк кебинсиз къалмаз.
- Къартны бурнун сюрт да, оноугъа тут.
Профиль
|
|
|||