- Ашха уста, юйюнде болсун
- Мадар болса, къадар болур.
- Тил бла келеди джыр да.
- Тиширыусуз юй – отсуз от джагъа.
- Акъыллы башны – тили къысха.
- Намыс болмагъан джерде, насыб болмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Шапа кёб болса, аш татымсыз болур.
- Аман къатын сабий табса, бий болур…
- Ата Джуртуму башы болмасам да, босагъасында ташы болайым.
- Къуллукъчума, деб махтанма, къуллукъ – хаух джамчыды!
- Адамны артындан къара сабан сюрме.
- Хата – гитчеден.
- Аман адам элни бир-бирине джау этер.
- Уллу атлама – абынырса, уллу къабма – къарылырса.
- Джолунга кёре – джюрюшюнг, джагъанга кёре – юлюшюнг.
- Адам къаллай бир ишленмесе, аллай бир кесин уллу кёреди.
- Башда акъыл болмаса, эки аякъгъа кюч джетер.
- Зар адам ашынгы ашар, кесинги сатар.
- Джол бла сёзню къыйыры джокъ.
- Бёрю да ач къалмасын, эчки да ашалмасын.
- Къызгъанчдан ычхыныр, мухардан ычхынмаз.
- Кийиминг бла танылма, адамлыкъ бла таныл.
- Байлыкъ тауусулур, билим тауусулмаз.
- Эрни эр этерик да, къара джер этерик да, тиширыуду.
- Эркишиге тары кебек танг кёрюнюр.
- Ач къарынны, токъ билмез
- Ханы къызы буюгъа-буюгъа киштик болду.
- Уллу къашыкъ эрин джыртар.
- Тилчи бир сагъатха айлыкъ хата этер.
- От кюйдюрген, сау болса да, тот кюйдюрген, сау болмаз.
- Тил – кесген бычакъ, сёз – атылгъан окъ.
- Ургъан суудан башынгы сакъла.
- Таукел къуру къалмаз.
- Бозаны арты дауур болур.
- Адам сёзюнден белгили.
- Ат басханны джер билед.
- Сагъыш – къартлыкъгъа сюйюмчю.
- Аллахха ийнаннган кишини, Аллах онгдурур ишин.
- Адамны джюреги нени кёрюрге сюйсе, кёзю да аны кёрюрге ёч болады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тенгни тенглиги джашай барсанг билинир.
- Ётюрюкден тюбю джокъ, кёлтюрюрге джиби джокъ.
- Ауурну тюбю бла, дженгилни башы бла джюрюген.
- Джиби бир къат джетмей эди да, эки къат тарта эди.
- Ариуну – ауруу кёб.
- Тилчиден кери бол.
- Къобан да къуру да къобханлай турмайды, адам да къуру да патчахлай турмайды.
- Тулпарлыкъ, билекден тюл – джюрекден.
- Байлыкъ адамны сокъур этер.
Профиль
|
|
|||