- Тюкюрюк баш джармаз, налат кёз чыгъармаз!
- Хатерли къул болур.
- Адам туугъан джеринде, ит тойгъан джеринде.
- Таш бла ургъанны, аш бла ур.
- Аман адамны тепсинге олтуртсанг, къызынгы тилер.
- Ашда уялгъан – мухар, ишде уялгъан – хомух.
- Тойгъанлыкъ къойгъа джарашады.
- Нарт сёз къарт болмаз.
- Джылар джаш, атасыны сакъалы бла ойнар.
- Джетген къыз джерли эшекни танымаз.
- Уллу айтханны этмеген – уллаймаз.
- Аякъларынгы джууургъанынга кёре узат.
- Билген билмегенни юретген адетди.
- Ариу сёз аурууунгу алыр.
- Хансыз джомакъ болмаз.
- Окъугъанны бети джарыкъ.
- Аш берме да, къаш бер.
- Киштикге къанат битсе, чыпчыкъ къалмаз эди.
- Кесинге джетмегенни, кёб сёлешме.
- Тюз сёз баргъан сууну тыяр.
- Эм уллу байлыкъ – джан саулукъ.
- Сыфатында болмагъаны, суратында болмаз.
- Ана къойну – балагъа джандет.
- Къаллай салам берсенг, аллай джууаб алырса.
- Адам боллукъ, атламындан белгили болур.
- Хазыр ашха – терен къашыкъ.
- Суугъа – чабакъ, къаягъа – ыргъакъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Насыблы элин сюер, насыбсыз кесин сюер.
- Туз, гырджын аша, тюзлюк бла джаша.
- Арба аугъандан сора, джол кёргюзтюучю кёб болур.
- Таукел адам тау тешер.
- Уллу къашыкъ эрин джыртар.
- Тик ёргени, тик энгишгеси да болады.
- Кюлме джашха – келир башха.
- Татлы сёз – балдан татлы.
- Аманны тукъумуна къарама, игини тукъумун сорма.
- Хар зат кесини орнуна иги.
- Тюзлюк тас болмайды.
- Эл ауузу – элек, анга ийнаннган – халек.
- Ёлмесенг да, къарт дамы болмазса?
- Мухарны эси – ашарыкъда.
- Къанны къан бла джуума, аманны аман бла къуума.
- Аман хансны – урлугъу кёб.
- Тойгъа барсанг, тоюб бар, эски тонунгу къоюб бар.
- Тилчиден кери бол.
- Тёзгеннге, джабылгъан эшик ачылыр.
- Таукел тауну аудурур.
- Айранын берсенг, челегин да къызгъанма.
- Айраннга суу къош, телиге джол бош.
Профиль
|
|
|
|||