- Айран ичген – къутулду, джугъусун джалагъан – тутулду.
- Тюкюрюк баш джармаз, налат кёз чыгъармаз!
- Джахил болса анасы, не билликди баласы?
- Дуния малгъа сатылма, кесингден телиге къатылма.
- Ёзденликни джайгъан – джокълукъ.
- Намыс болмагъан джерде, насыб болмаз.
- Сагъыш – къартлыкъгъа сюйюмчю.
- Берекет берсин деген джерде, берекет болур.
- Адамны аманы адамны бети бла ойнар.
- Къолу уллу – асыу, аягъы уллу – джарсыу.
- Джарлыны эшигин махтагъан джабар.
- Чакъырылгъанны аты, чакъырылмагъанны багъасы болур.
- Баш – акъыл ючюн, акъылман – халкъ ючюн.
- Гырджын – тепсини тамадасы.
- Ат да турмайды бир териде.
- Керек ташны ауурлугъу джокъ.
- Сакъалы текени да бар, мыйыгъы киштикни да бар.
- Телиге акъыл салгъандан эсе, ёлгеннге джан салырса.
- Кёзден кетген, кёлден да кетеди.
- Ашын ашагъанынгы, башын да сыйла.
- Акъыл къартда, джашда тюйюлдю – башдады.
- Къарт айтханны этмеген, къартаймаз.
- Тилчи бир сагъатха айлыкъ хата этер.
- Рысхы джалгъанды: келген да этер, кетген да этер.
- Мен да «сен», дейме, сен да «кесим», дейсе.
- Эски джаугъа ышанма.
- Башда акъыл болмаса, эки аякъгъа кюч джетер.
- Накъырданы арты керти болур.
- Джашынгы кесинг юретмесенг, джашау юретир.
- Къазанда болса, чолпугъа чыгъар.
- Сёлеш деб шай берген, тохта деб, сом берген.
- Къонакъ аман болса, къонакъбай джунчур
- Уллу сёзде уят джокъ.
- Аз айтсам, кёб ангылагъыз.
- Адам сёзге тынгыла, акъыл сёзню ангыла.
- Джукъу тёшек сайламайды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къыйынлы джети элни къайгъысын этер.
- Кийиминг бла танылма, адамлыкъ бла таныл.
- Кёпюр салгъан кеси ётер, уру къазгъан кеси кетер.
- Тас болгъан бычакъны сабы – алтын.
- Арпа, будай – ащды, алтын, кюмюш а – ташды.
- Душманны тышы – акъ, ичи – къара.
- Къыйынлы джети элге оноу этер.
- Кесинг сынамагъан затны, адамгъа буюрма.
- Аджал соруб келмез, келсе, къайтыб кетмез.
- Тилчи тилден къаныкъмаз.
- Тамчы таш тешер.
- Узун джолну барсанг, бюгюн келирсе, къысха джолну барсанг, тамбла келирсе.
- Акъыллы айтыр эди, акъылсыз къоймайды.
Профиль
|
|
|||