- Гугук кесини атын айтыб къычыргъанча, мен, мен деб нек тураса?
- Ачлыкъда тары гырджын халыуадан татлы.
- Къаллай салам берсенг, аллай джууаб алырса.
- Адеби болмагъан къыз – тузсуз хант.
- Эки ойлашыб, бир сёлешген.
- Тау башында, тау болмаз, джангыз терек, бау болмаз.
- Кёзю сокъурдан – къоркъма, кёлю сокъурдан – къоркъ.
- Чабар ат – джетген къыз.
- Тилсиз миллет джокъ болур.
- Эр абынмай, эл танымаз.
- Баргъанынга кёре болур келгенинг.
- Тойгъа алгъа да барма, тойда артха да къалма.
- Керти сёзге тёре джокъ.
- Садакъачыны джаны – къапчыгъында.
- Эл тойса, тоймагъан, эл къойса, къоймагъан.
- Атынг аманнга чыкъгъандан эсе, джанынг тамагъынгдан чыкъсын.
- Джарлы эскисин джамаса, къууаныр.
- Уллу къазанда бишген эт, чий къалмаз.
- Къарны аманнга къазан такъдырма, къолу аманнга от джакъдырма.
- Ишлерге уял да, ашаргъа табма.
- Таукел тауну аудурур.
- Ишге юренсин къоллары, халкъ бла болсун джоллары.
- Ашда уялгъан – мухар, ишде уялгъан – хомух.
- Джашынгы кесинг юретмесенг, джашау юретир.
- Ашатыргъа иш – ашхы, ишлетирге аш – ашхы.
- Ойнай-ойнай кёз чыгъар.
- Акъыллы айтыр эди, акъылсыз къоймайды.
- Тойгъан антын унутур.
- Сёлеш деб шай берген, тохта деб, сом берген.
- Тюз сёз баргъан сууну тыяр.
- Джашлыкъ этмеген, башлыкъ этмез.
- Арпа, будай – ащды, алтын, кюмюш а – ташды.
- Джетген къыз джерли эшекни танымаз.
- Тёзген – тёш ашар!
- Ата – билек, ана – джюрек!
- Эркиши – от, тиширыу – суу.
- Атлыны кёрсе, джаяуну буту талыр.
- Иесиз малны бёрю ашар.
- Окъумагъан сокъурду, сокъур ташха абыныр!
- Нафысынгы айтханын этме, намысынгы айтханын эт.
- Огъурлуну сёзю – суу, огъурсузну сёзю – уу.
- Ёксюзню тилеги къабыл болур.
- Юйлю уругъа ит чабмаз.
- Тенгинг джокъ эсе – изле, бар эсе – сакъла!
- Ханы къызы буюгъа-буюгъа киштик болду.
- Кесине оноу эте билмеген, халкъына да эте билмез.
- Мени джылытмагъан кюн, меннге тиймесин!
- Сакъламагъан затынга джолукъсанг, не бек къууанаса, не бек ачыйса.
- Адамгъа аман кюн соруб келмейди.
- Эл элде бирер малынг болгъандан эсе, бирер тенгинг болсун.
Профиль
|
|
|||