- Иги адам абынса да, джангылмаз.
- Тойгъанлыкъ къойгъа джарашады.
- Ашхы адам – халкъ байлыгъы, ашхы джер – джашау байлыгъы.
- Башы джабылгъан челекге, кир тюшмез.
- Къонакъ аз олтурур, кёб сынар.
- Аджаллыгъа окъсуз шкок атылыр.
- Чомартны къолун джокълукъ байлар.
- Чомарт бергенин айтмаз.
- Ана къойну – балагъа джандет.
- Тюзню ётмеги тюзде къалса да, тас болмаз.
- Ач отунчуну ачыуу – бурнунда.
- Ётюрюк хапар аякъ тюбю бла джюрюйдю.
- Атлыны кёрсе, джаяуну буту талыр.
- Тамчы таш тешер.
- Дуния мал дунияда къалады.
- Мухарны эси – ашарыкъда.
- Биреуге аманлыкъны тилеме да, кесинге ашхылыкъны тиле.
- Ургъан суудан башынгы сакъла.
- Къарыусузгъа кюлме, онгсузгъа тийме.
- Эл ауузу – элек, анга ийнаннган – халек.
- Джукъу тёшек сайламайды.
- Эр сокъур болсун, къатын тилсиз болсун.
- Чыбыкълыкъда бюгюлмеген, къазыкълыкъда бюгюлмей эди.
- Къонакъны къачан кетерин сорма, къачан келлигин сор.
- Намыс сатылыб алынмайды.
- Кесинге джетмегенни, кёб сёлешме.
- Таш бла ургъанны, аш бла ур.
- Аллахха ийнаннган кишини, Аллах онгдурур ишин.
- Билимсиз иш бармаз.
- Ишлегенден, къарагъан уста.
- Сакъламагъан затынга джолукъсанг, не бек къууанаса, не бек ачыйса.
- Битмегеннге сакъал – танг.
- Адам сёзге тынгыла, акъыл сёзню ангыла.
- Ач бёрюге мекям джокъ.
- Айныгъанлы алты кюн, тогъайгъанлы тогъуз кюн.
- Аллахдан тилесенг, кёб тиле.
- Гыдай эчки суугъа къараб, мюйюзле кёрмесе, джашма алкъын, дегенди.
- Аман адам элни бир-бирине джау этер.
- Ачлыкъ отха секиртир.
- Аш иеси бла татлыды.
- Баланы адам этген анады.
- Билим ат болуб да чабар, къуш болуб да учар.
- Къарнынг тойгъунчу аша да, белинг талгъынчы ишле.
- Тюз сёз баргъан сууну тыяр.
- Джеринден айырылгъан – джети джылар, джуртундан айырылгъан – ёлгюнчю джылар.
- Кёзню ачылгъаны – иги, ауузну джабылгъаны – иги.
- Ёнгкюч къууана барыр, джылай келир.
- Билим къая тешер.
- Ашыкъгъан cуу, тенгизге джетмез.
- Кёлю джокъну – джолу джокъ.
Профиль
|
|
|||