- Тюзлюк шохлукъну бегитир.
- Бозанг болмагъан джерге, къалагъынгы сукъма.
- Чомарт къонакъ юй иесин сыйлар.
- Байдан умут эте, джарлыдан ёгюз багъасы къорады.
- Чомарт къолда мал къалмаз.
- Айтхан – тынч, этген – къыйын.
- Билеги кючлю, бирни джыгъар, билими кючлю, мингни джыгъар.
- Бетинги сатма, малынгы сат.
- Бек ашыкъгъан меннге джетсин, дегенди аракъы.
- Баланы адам этген анады.
- Нарт сёз – тилни бети.
- Аууздан келген, къолдан келсе, ким да патчах болур эди.
- Ашда – бёрю, ишде – ёлю.
- Узун джолну барсанг, бюгюн келирсе, къысха джолну барсанг, тамбла келирсе.
- Арпа, будай – ащды, алтын, кюмюш а – ташды.
- Aдам боллукъ, сыфатындан белгили.
- Тас болгъан бычакъны сабы – алтын.
- Билимсиз иш бармаз.
- Керилген да, ургъан кибикди.
- Ашхы адам – халкъ байлыгъы, ашхы джер – джашау байлыгъы.
- Дуния мал дунияда къалады.
- Хунаны тюбюн къазсанг, юсюнге ауар.
- Сагъышы джокъ – джукъучу, акъылы джокъ – къаугъачы.
- Джаз бир кюнню джатсанг, къыш талай кюнню абынырса.
- Тил – кесген бычакъ, сёз – атылгъан окъ.
- Акъыллы айтыр эди, акъылсыз къоймайды.
- Ашаса, ашамаса да, бёрюню ауузу – къан.
- Мадар болса, къадар болур.
- Термилгенинги табмазса, кюлгенинге тюберсе.
- Бал – татлы, балдан да бала – татлы.
- Мени джылытмагъан кюн, меннге тиймесин!
- Нёгер болсанг, тенг бол, тенг болмасанг, кенг бол.
- Рысхы джалгъанды: келген да этер, кетген да этер.
- Тюзню ётмеги тюзде къалса да, тас болмаз.
- Аз сёлеш, кёб ишле.
- Сютню башын джалагъан къутулур, тюбюн ичген тутулур.
- Кёб ант этген, кёб ётюрюк айтыр.
- Терслик кетер, тюзлюк джетер.
- Эки итни арасына сюек атма, эки адамны арасында сёз чыгъарма.
- Чакъырылмагъан къонакъ тёрге атламаз.
- Кёб къычыргъандан – къоркъма, тынч олтургъандан – къоркъ.
- Байлыкъдан саулукъ ашхыды.
- Юйлю уругъа ит чабмаз.
- Кёлсюзден сёзсюз тууар.
- Ана къойну – балагъа джандет.
- Нарт сёз къарт болмаз.
- Оюмсуз атлагъан, аджалсыз ёлюр.
- Уллу сёлешме да, уллу къаб.
- Айтылгъан сёз ызына къайтмаз.
- Ётюрюк хапар аякъ тюбю бла джюрюйдю.
Профиль
|
|
|||