- Ичимден чыкъды хата, къайры барайым сата?
- Окъ къызбайны джокълайды.
- Эки итни арасына сюек атма, эки адамны арасында сёз чыгъарма.
- Керилген да, ургъан кибикди.
- Адам сёзге тынгыла, акъыл сёзню ангыла.
- Ауурну тюбю бла, дженгилни башы бла джюрюген.
- Чакъырылгъанны аты, чакъырылмагъанны багъасы болур.
- Къазанчы аман болса, къазаны къайнамаз.
- Мал ёлсе, сюек къалыр, адам ёлсе, иши къалыр.
- Акъыллы айтыр эди, акъылсыз къоймайды.
- Ариу сёз аурууунгу алыр.
- Атлыны кёрсе, джаяуну буту талыр.
- Джарлыны тону джаз битер.
- Атадан ёксюз – бир ёксюз, анадан ёксюз – эки ёксюз.
- Сабийни джумушха джибер да, ызындан бар.
- Хунаны тюбюн къазсанг, юсюнге ауар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тилсиз миллет джокъ болур.
- Ариуну – ауруу кёб.
- Азыкълы ат арымаз, къатыны аман джарымаз.
- Башынга джетмегенни сорма.
- Татлы тилде – сёз ариу, чемер къолда – иш ариу.
- Байма, деб да, къууанма, джарлыма, деб да, джылама.
- Рысхы джалгъанды: келген да этер, кетген да этер.
- Кёзден кетген, кёлден да кетеди.
- Кесинге джетмегенни, кёб сёлешме.
- Акъыл неден да кючлюдю.
- Къызгъанчдан ычхыныр, мухардан ычхынмаз.
- Ойнаб айтсанг да, эслеб айт.
- Уллу суу бла уллу ауруудан башынгы сакъла.
- Окъугъан – асыу, окъумагъан – джарсыу.
- Чакъырылмагъан къонакъ – орунсуз.
- Арыгъан къош чамчы болур.
- Ишни ахырын ойламай, аллын башлама.
- Юйюнгден чыкъдынг – кюнюнгден чыкъдынг.
- Дженгил джетерикме деб, узун джолну къоюб, къысхасын барма.
- Зар адам ашынгы ашар, кесинги сатар.
- Азыкъ аз болса, эртде орун сал.
- Къолунгдан къуймакъ ашатсанг да, атаны борчундан къутулмазса.
- Къонакъ аз олтурур, кёб сынар.
- Аман хансны – урлугъу кёб.
- Аллахха ийнаннган кишини, Аллах онгдурур ишин.
- Ачыкъ джюрекге джол – ачыкъ.
- Ёлген эшек бёрюден къоркъмайды.
- Аман эсирсе, юйюн ояр.
- Тенгинг джокъ эсе – изле, бар эсе – сакъла!
- Къобан да къуру да къобханлай турмайды, адам да къуру да патчахлай турмайды.
- Халкъны джырын джырласанг, халкъ санга эжиу этер.
- Тилчиден кери бол.
- Тамбла алтындан бюгюн багъыр ашхы.
Профиль
|
|
|
|||