- Аллахха ийнаннган кишини, Аллах онгдурур ишин.
- Мадар болса, къадар болур.
- Ачны эсинде – аш.
- Адам къыйынлыгъын кёлтюрюр, зауукълугъун кёлтюрмез.
- Арбаз сайлама да, хоншу сайла.
- Адеб базарда сатылмаз.
- Алим болгъандан эсе, адам болгъан къыйынды.
- Ашын ашагъанынгы, башын да сыйла.
- Къайтырыкъ эшигинги, къаты уруб чыкъма.
- Ёмюрлюк шохлукъну джел элтмез.
- Тойгъанлыкъ къойгъа джарашады.
- Алгъанда – джууукъ, бергенде – джау.
- Аман эсирсе, юйюн ояр.
- Акъыллы башны – тили къысха.
- Рысхы джалгъанды: келген да этер, кетген да этер.
- Тойгъа барсанг, тоюб бар, эски тонунгу къоюб бар.
- Ач келгенни – тойдур, кеч келгенни – къондур.
- Окъугъан озар, окъумагъан тозар.
- Кечеси – аяз, кюню – къыш, джарлы къаргъагъа бир аш тюш!
- Адеб этмеген, адеб кёрмез.
- Ишлегенде эринме, ишде чолакъ кёрюнме.
- Ачылгъан эт джабылыр, кёрген кёз унутмаз.
- Ата Джуртча джер болмаз, туугъан элча эл болмаз.
- Сабийни джумушха джибер да, ызындан бар.
- Бермеген къол, алмайды.
- Ашлыкъ – бюртюкден, джюн – тюкден.
- Сескекли кесин билдирир.
- Джеринден айырылгъан – джети джылар, джуртундан айырылгъан – ёлгюнчю джылар.
- Иги джашны ышаны – аз сёлешиб, кёб тынгылар.
- Уллу суу бла уллу ауруудан башынгы сакъла.
- Сакъ юйюне сау барыр.
- Арпа, будай – ащды, алтын, кюмюш а – ташды.
- Къарт айтханны этмеген, къартаймаз.
- Биреуню тёрюнден, кесинги эшик артынг игиди.
- Баргъанынга кёре болур келгенинг.
- Суу ичген шауданынга тюкюрме.
- Кийим тукъум сордурур.
- Тау башында, тау болмаз, джангыз терек, бау болмаз.
- Башы ишлегенни, ауузу да ишлер.
- Къонакъ аман болса, къонакъбай джунчур
- Билмегенинги, билгеннге сор.
- Ёзденликни джайгъан – джокълукъ.
- Азыкълы ат арымаз, къатыны аман джарымаз.
- Эркишини аманы тиширыуну джылатыр.
- Ауурну тюбю бла, дженгилни башы бла джюрюген.
- Джолунга кёре – джюрюшюнг, джагъанга кёре – юлюшюнг.
- Кенгеш болса, уруш болмаз.
- Ачлыкъда тары гырджын халыуадан татлы.
- Термилгенинги табмазса, кюлгенинге тюберсе.
- Сабийликде юретмесенг, уллу болса – тюзелмез.
Профиль
|
|
|
|||